ટ્રાઇસેરાટોપ્સ એ ડાયનોસૉરની રૅર પ્રજાતિ છે. આ પ્રજાતિનું લગભગ ૬.૬ કરોડ વર્ષ જૂનું હાડપિંજર તાજેતરમાં ઑક્શનમાં વેચાવા નીકળ્યું છે.
ટ્રાઇસેરાટોપ્સનું ૬.૬ કરોડ વર્ષ જૂનું હાડપિંજર
ટ્રાઇસેરાટોપ્સ એ ડાયનોસૉરની રૅર પ્રજાતિ છે. આ પ્રજાતિનું લગભગ ૬.૬ કરોડ વર્ષ જૂનું હાડપિંજર તાજેતરમાં ઑક્શનમાં વેચાવા નીકળ્યું છે. અંદાજે આ હાડપિંજરની કિંમત ૫૦ કરોડ રૂપિયા હોવાનું મનાય છે. ટ્રાઇસેરાટોપ્સ પ્રજાતિના આ હાડપિંજરનું નામ ટ્રે રાખવામાં આવ્યું હતું. ૧૯૯૩માં અમેરિકાના વ્યોમિંગ રાજ્યના લસ્ક નામના ટાઉન પાસેથી એ મળી આવ્યું હતું. એની શોધ પુરાતત્ત્વવિજ્ઞાની ઍલન ગ્રૅફહામે કરી હતી. આ હાડપિંજર ૧૯૯૫થી વ્યોમિંગના ડાયનોસૉર સેન્ટરમાં પ્રદર્શનમાં મૂકવામાં આવ્યું હતું. જોકે ૨૦૨૩માં એ વેચાઈને કોઈ વ્યક્તિના અંગત ખજાનામાં સિંગાપોર પહોંચી ગયું હતું. માર્ચના અંત સુધી અહીં એ હાડપિંજર જોવા મળશે. જોકે જુપિટર નામના ઑનલાઇન પ્લૅટફૉર્મ પર એનું ઑક્શન થશે. ૧૭ માર્ચથી ૩૧ માર્ચ સુધી લોકો અહીં બોલી લગાવી શકશે. એની શરૂઆતની કિંમત ૪૫થી ૫૫ લાખ ડૉલર એટલે કે લગભગ ૫૦ કરોડ રૂપિયાની આસપાસની ગણાય છે.
