તેને હકીકતમાં પેટ્રોલ મળતું નથી, પરંતુ પેટ્રોલ-પમ્પવાળો જાણે ટાંકીમાં ફ્યુઅલ ભરતો હોય એવો પોઝ જરૂર આપે છે.
વાઇરલ વિડીયોમાંથી સ્ક્રીનશૉટ
બંગલાદેશમાં ફ્યુઅલની તંગી હોવાથી પમ્પ પર વ્યક્તિદીઠ નિયત મર્યાદામાં જ ફ્યુઅલ મળે છે. કોઈ ચીજની જ્યારે પણ તંગી સર્જાય ત્યારે જ આપણને એ ચીજ કોઈ પણ હિસાબે ખરીદવી હોય છે. વાહનદીઠ નિયત ફ્યુઅલ મળતું હોવાથી અહીં લોકો જાતજાતનો જુગાડ લગાવીને વધુ ફ્યુઅલ મેળવવાનો પ્રયત્ન કરે છે. આવા જ પ્રયાસ હેઠળ એક યુવાન કૂતરા પર બાઇકની પેટ્રોલની ટાંકી બાંધીને પેટ્રોલ-પમ્પ પર પહોંચ્યો છે. પમ્પ પર લાંબી લાઇન વચ્ચે એક યુવાન કૂતરાને રસ્સીથી બાંધીને દોરીને લઈ જાય છે અને પીઠ પર પેટ્રોલ-ટૅન્ક લગાવેલી છે. આ કન્ટેન્ટ ક્રીએટરે કરેલો પ્રૅન્ક જ છે. તેને હકીકતમાં પેટ્રોલ મળતું નથી, પરંતુ પેટ્રોલ-પમ્પવાળો જાણે ટાંકીમાં ફ્યુઅલ ભરતો હોય એવો પોઝ જરૂર આપે છે.
