આ માણસ સામે કોઈ ગુનો નોંધાયો નહોતો, કેમ કે તેણે નોટોના બદલે ટ્રેઇનિંગ કૂપન ભરી હતી
પ્રતીકાત્મક તસવીર
કોઈ વ્યક્તિ પ્રેમમાં હોય ત્યારે પાર્ટનર તરફથી મળેલી નાનામાં નાની ગિફ્ટ પણ બહુ કીમતી લાગતી હોય છે, પરંતુ ચીનમાં એક મહિલા સાથે ગિફ્ટના નામે છેતરપિંડી થઈ ગઈ હતી. આ મહિલાના બૉયફ્રેન્ડે તેને ગિફ્ટમાં ૮૦ લાખ રૂપિયા ભરેલી એક સૂટકેસ આપી હતી. જ્યારે આ બહેન બૅન્કમાં ગયાં ત્યારે ખબર પડી કે બૅગમાં માત્ર ઉપર રહેલી નોટો જ અસલી હતી, બાકીની નોટો તો નકલી છે. ગર્લફ્રેન્ડને નકલી નોટ પધરાવવામાં માણસની ધરપકડ થઈ ત્યારે તેણે કહ્યું કે ‘મારી ગર્લફ્રેન્ડનાં માતા-પિતાની માગણી હતી કે હું તેમની દીકરીને એક ઘર લઈ આપું. મારી પાસે એટલા પૈસા ન હોવાથી મેં નકલી કૅશ ભરી હતી.’ જોકે આ માણસ સામે કોઈ ગુનો નોંધાયો નહોતો, કેમ કે તેણે નોટોના બદલે ટ્રેઇનિંગ કૂપન ભરી હતી અને આ કૂપનને નકલી ચલણ તરીકે ગણવામાં આવતી નથી.
