નેધરલૅન્ડ્સના ટીવી-હોસ્ટ ક્લાસ વૅન ક્રુઇસ્ટમ અને તેમની ટીમે લાકડા, પૉલિએસ્ટર તથા ફાઇબર ગ્લાસથી શૂના આકારની અનોખી કાર બનાવી હતી. ઇન્ટરનૅશનલ ઍરપોર્ટ પર ૧૧૩ કિલોમીટર પ્રતિ કલાકની ઝડપે દોડાવીને આ કારે વિશ્વવિક્રમ બનાવ્યો.
૧૧૩ કિલોમીટર પ્રતિ કલાકની ઝડપે જૂતું દોડાવીને નેધરલૅન્ડ્સના ડ્રાઇવરે કર્યો રેકૉર્ડ
ભારતમાં અલગ-અલગ શેપની કાર બનાવનારા ડિઝાઇનર સુધાકર બહુ જાણીતા છે. જોકે નેધરલૅન્ડ્સમાં એક ભાઈ આવી અળવીતરા શેપની ગાડીઓ ફુલ સ્પીડમાં દોડાવવાના શોખીન છે. ટીવી-હોસ્ટ ક્લાસ વૅન ક્રુઇસ્ટમ અને તેમની ટીમે શૂ શેપની એક કાર બનાવી છે. આ માટે તેમણે લાકડામાંથી બહારનો ઢાંચો બનાવ્યો હતો. એમાં ગો-કાર્ટમાં વપરાય એવી મોટર બેસાડવામાં આવી હતી. એના પર પૉલિએસ્ટર અને ફાઇબર ગ્લાસનું કોટિંગ કરીને શૂના શેપની કારનું બૉડી બનાવવામાં આવ્યું હતું. નેધરલૅન્ડ્સના ઇન્ટરનૅશનલ ઍરપોર્ટ પર ક્લાસે આ કારને ૧૧૩ કિલોમીટર પ્રતિ કલાકની ઝડપે દોડાવી હતી અને શૂ શેપની કારને સૌથી ઝડપથી દોડાવવાનો વિશ્વવિક્રમ નોંધાવ્યો હતો.
