ચીનની એક કંપનીએ રોબોને હવે ફિલ્મી હીરોના સ્વરૂપમાં રજૂ કર્યો છે. આ હીરો બૉડીગાર્ડ તરીકે કામ કરી શકે એવો છે. ચીનની યુનિટ્રી નામની કંપનીએ એવો રોબો તૈયાર કર્યો છે જે કુંગ ફુ માર્શલ આર્ટ્સના દાવપેચ કરી શકે છે અને બૉડીગાર્ડની ભૂમિકા પણ નિભાવી શકે છે.
રોબો કરશે બૉડીગાર્ડ જેવું કામ
ચીનની એક કંપનીએ રોબોને હવે ફિલ્મી હીરોના સ્વરૂપમાં રજૂ કર્યો છે. આ હીરો બૉડીગાર્ડ તરીકે કામ કરી શકે એવો છે. ચીનની યુનિટ્રી નામની કંપનીએ એવો રોબો તૈયાર કર્યો છે જે કુંગ ફુ માર્શલ આર્ટ્સના દાવપેચ કરી શકે છે અને બૉડીગાર્ડની ભૂમિકા પણ નિભાવી શકે છે. કંપનીએ આ રોબોની ક્ષમતાઓના નિદર્શનનો જે વિડિયો બહાર પાડ્યો છે એમાં તો રોબો હીરોની જેમ હાથ-પગથી જબરી કિક્સ મારતો દેખાય છે. એ ચાકુ લઈને ઊભેલી વ્યક્તિનો સામનો કરતો જોવા મળે છે. એક સીનમાં તો એ કાર ઊંચકીને એની નીચે ફસાયેલા માણસને બહાર કાઢે છે. H2-X નામના આ રોબોની હાઇટ માણસોથી થોડીક વધુ એટલે કે લગભગ ૬ ફુટ જેટલી છે. એનું નામ આપવામાં આવ્યું છે ‘કુંગ ફુ લેજન્ડઃ ગાર્ડિયન’. આ રોબો સતત ૮ કલાક સુધી ઊભો રહીને માલિકના બૉડીગાર્ડ તરીકેનું કામ કરી શકે એમ છે.
