આ ખગોળીય ઘટના સોલર ગાલા નામના ઑપ્ટિકલ ઇલ્યુઝનને કારણે બની હતી.
વાઇરલ વિડીયોમાંથી સ્ક્રીનશૉટ
સામાન્ય રીતે ક્ષિતિજ પાસે પરાવર્તનના નિયમને કારણે ચોક્કસ જગ્યાએ ચોક્કસ સમયે સૂર્યનું પ્રતિબિંબ એની બાજુમાં જ દેખાતું હોય એવો ભાસ થતો હોય છે. આવી ઘટનાઓ જવલ્લે જ જોવા મળે છે. જોકે રશિયાના મરમાન્સ્કમાં તો રૅરેસ્ટ ઑફ રૅર ઘટના જોવા મળી. બે નહીં, ૩ સૂરજ એકસાથે એક જ ક્ષિતિજ પર હોય એવું દૃશ્ય રચાયું. આ ઘટનાનો વિડિયો બનાવીને સોશ્યલ મીડિયા પર મૂકનારા એક રશિયને લખ્યું હતું, ‘હું ૨૮ વર્ષથી રહું છું, પરંતુ આવું દૃશ્ય કદી જોયું નથી.’
આ ખગોળીય ઘટના સોલર ગાલા નામના ઑપ્ટિકલ ઇલ્યુઝનને કારણે બની હતી. એમાં સૂર્યની રોશની લાખો બરફનાં ક્રિસ્ટલ પરથી પરાવર્તિત થાય છે જેને કારણે સૂર્યની બાજુમાં જ બીજો સૂર્ય હોય એટલો તેજપુંજ રચાય છે.
