જસ્સીને છેક ૩૨૫ દિવસ બાદ મળી IPLમાં વિકેટ

મુંબઈ સામેની મૅચમાં ગુજરાતના ટૉપ-ઑર્ડર બૅટર્સની નિષ્ફળતાને કારણે ટીમને ૯૯ રનની મોટી હાર મળી હતી. ઓપનર સાઈ સુદર્શન ઝીરો, કૅપ્ટન શુભમન ગિલ ૧૩  બૉલમાં ૧૪  રન અને ત્રીજા ક્રમનો બૅટર જૉસ બટલર ૬ બૉલમાં પાંચ રન કરીને ૪.૪ ઓવરમાં જ તંબુભેગા થયા હતા. પહેલી વખત ગુજરાતના આ ટૉપ-ઑર્ડરના બૅટર્સ એકસાથે પાવરપ્લેમાં તંબુભેગા થયા હતા. તેમની નિષ્ફળતાથી ટીમના મિડલ-ઑર્ડરની વાસ્તવિકતા પણ બહાર આવી હતી. વૉશિંગ્ટન સુંદર, ગ્લેન ફિલિપ્સ, શાહરુખ ખાન અને રાહુલ તેવતિયા લાંબા સમય સુધી પિચ પર ટકી શક્યા નહોતા. ટીમ-મૅનેજમેન્ટે પોતાની આ નબળાઈનો જાહેરમાં સ્વીકાર કર્યો હતો. એવું લાગી રહ્યું છે કે ગુજરાતનું બૅટિંગ-યુનિટ ટૉપ-ઑર્ડર સુધી જ સીમિત છે. ગુજરાતના મિડલ-ઑર્ડરને છેલ્લી સીઝનમાં વધારે બૅટિંગની તક મળી નથી. ૨૦૨૫માં જ્યારે ગુજરાતની ટીમ એલિમિનેટર મૅચ સુધી પહોંચી હતી ત્યારે સાઈ સુદર્શને ૭૫૯ રન, શુભમન ગિલે ૭૧૭ રન અને જૉસ બટલરે ૫૩૮ રન કર્યા હતા. ત્રણેયે એક સીઝનમાં ટૉપ-ઑર્ડર બૅટર્સ તરીકે રેકૉર્ડ પ્રદર્શન કર્યું હતું.