હાર્દિક પંડ્યા એવા પસંદગીના ભારતીય ઓલરાઉન્ડરોમાંનો એક છે જે મિડલ ઓર્ડરમાં બૅટિંગ કરવાની સાથે સાથે ચાર ઓવર બૉલિંગ પણ કરી શકે છે. તેની પાસે કૅપ્ટનશિપનો અનુભવ છે અને તે મૅચ ફિનિશરની ભૂમિકા ભજવવાનો પણ અનુભવ છે.
હાર્દિક પંડયા અને CSK
ઇન્ડિયન પ્રીમિયર લીગ (IPL 2027) માં મુંબઈ ઇન્ડિયન્સનો કૅપ્ટન હાર્દિક પંડ્યા ટીમ છોડી શકે તેવી ચર્ચા ફરી એકવાર શરૂ થઈ ગઈ છે. થોડા સામે પહેલા, ચેન્નઈ સુપર કિંગ્સના સીઈઓ કાશી વિશ્વનાથને મુંબઈ ઇન્ડિયન્સમાંથી હાર્દિક પંડ્યાને ટ્રેડના અહેવાલોને ફગાવી દીધા હતા. જોકે, એક અહેવાલમાં હવે દાવો કરવામાં આવ્યો છે કે ચેન્નઈ સુપર કિંગ્સ તેને પોતાની ટીમમાં લાવવાનો પ્રયાસ કરી રહી છે.
મુંબઈ ઇન્ડિયન્સની કથિત માગ શું?
ADVERTISEMENT
અહેવાલ મુજબ, મુંબઈ ઇન્ડિયન્સે હાર્દિક પંડ્યાના બદલામાં શિવમ દુબે અને આયુષ મ્હાત્રેની માગણી કરી હતી. એવું માનવામાં આવે છે કે મુંબઈ ઇન્ડિયન્સ ટીમ મેનેજમેન્ટ 19 વર્ષીય આયુષ મ્હાત્રેને ભવિષ્ય માટે મુખ્ય ખેલાડી માને છે; પરિણામે, ચેન્નઈ સુપર કિંગ્સ તેને વેપાર સોદામાં સામેલ કરવા તૈયાર નથી.
ચેન્નાઈ સુપર કિંગ્સનો વળતો પ્રસ્તાવ
અહેવાલમાં દાવો કરવામાં આવ્યો છે કે ચેન્નઈ સુપર કિંગ્સે મુંબઈ ઇન્ડિયન્સને એક નવો પ્રસ્તાવ રજૂ કર્યો છે. ટીમ શિવમ દુબેને ટ્રેડમાં સામેલ કરવા તૈયાર છે, પરંતુ તેમણે આયુષ મ્હાત્રેને બદલે ડેવાલ્ડ બ્રેવિસને મુંબઈ ઇન્ડિયન્સને મોકલવાનો પ્રસ્તાવ મૂક્યો છે. અહેવાલ મુજબ, ચેન્નઈ સુપર કિંગ્સે શિવમ દુબે, ડેવાલ્ડ બ્રેવિસ અને હાર્દિક પંડ્યા માટે વધારાના રૂ. 10 કરોડની ઓફર પણ કરી છે. જો બન્ને ફ્રેન્ચાઇઝી આ પ્રસ્તાવ સાથે સંમત થાય, તો સોદાનું કુલ મૂલ્ય રૂ. 20 કરોડથી વધુ થઈ શકે છે.
હાર્દિક પંડ્યાની મુખ્ય ભૂમિકા
હાર્દિક પંડ્યા એવા પસંદગીના ભારતીય ઓલરાઉન્ડરોમાંનો એક છે જે મિડલ ઓર્ડરમાં બૅટિંગ કરવાની સાથે સાથે ચાર ઓવર બૉલિંગ પણ કરી શકે છે. તેની પાસે કૅપ્ટનશિપનો અનુભવ છે અને તે મૅચ ફિનિશરની ભૂમિકા ભજવવાનો પણ અનુભવ છે. જોકે છેલ્લા ત્રણ IPL સીઝનમાં મુંબઈ ઇન્ડિયન્સ તેની કૅપ્ટનશિપ હેઠળ ટાઇટલ જીતવામાં નિષ્ફળ રહી છે, તેણે અગાઉ 2022 માં ગુજરાત ટાઇટન્સને IPL ટાઇટલ અપાવ્યું હતું. હાલ સુધી, આ સંભવિત ટ્રેડ અંગે બન્ને ફ્રેન્ચાઇઝી તરફથી કોઈ સત્તાવાર પુષ્ટિ મળી નથી. આ ચર્ચા ફક્ત રિપોર્ટમાં કરવામાં આવેલા દાવાઓ પર આધારિત છે.
IPL 2027 માટે પહેલી સૌથી મોટી ટ્રેડ-ડીલ કન્ફર્મ : રિષભ પંતની ઘરવાપસી, કુલદીપ યાદવ લખનઉમાં
લખનઉ સુપર જાયન્ટ્સ અને દિલ્હી કૅપિટલ્સની અનુમાનિત ડીલ ગઈ કાલે IPL 2027 માટે પહેલી સૌથી મોટી ટ્રેડ-ડીલ તરીકે કન્ફર્મ થઈ હતી. લખનઉ સુપર જાયન્ટ્સના કૅપ્ટન તરીકે બે સીઝન રમનાર રિષભ પંત ફરી પાછો દિલ્હી કૅપિટલ્સમાં સામેલ થયો છે. ઉત્તર પ્રદેશનો સ્પિનર કુલદીપ યાદવ હવે લખનઉ સુપર જાયન્ટ્સ માટે રમશે. રિષભ પંતે પોતાની પહેલી અને જૂની ટીમમાં સામેલ થવા માટે સૅલેરી ૨૭ કરોડથી ઘટાડીને ૧૫ કરોડ રૂપિયા કરી દીધી છે. લખનઉના કૅપ્ટન તરીકે છેલ્લી બે સીઝનમાં તેણે ૨૬૯ રન અને ૩૧૨ રન કર્યા હતા. ટીમ પૉઇન્ટ્સ ટેબલમાં સાતમા અને દસમા સ્થાને રહી હતી. ૨૦૧૬થી ૨૦૨૪ વચ્ચે દિલ્હી કૅપિટલ્સ માટે ૮ સીઝન રમનાર રિષભ પંતે આ ટીમ માટે સૌથી વધુ ૧૧૧ મૅચમાં સૌથી વધુ ૩૨૮૪ રન કર્યા હતા. તે ટીમનો કૅપ્ટન પણ રહી ચૂક્યો છે.
