૬ મૅચમાંથી ૩ જીત અને ૩ હારનો સામનો કરનાર અક્ષર પટેલ ઍન્ડ કંપનીનું બોલિંગ-યુનિટ ૧૧.૭૫ કરોડ રૂપિયાના મિચલ સ્ટાર્કની વાપસીથી વધુ મજબૂત બનશે.
મિચલ સ્ટાર્ક
ઑસ્ટ્રેલિયન ફાસ્ટ બોલર મિચલ સ્ટાર્ક ખભા અને કોણીની ઈજામાંથી સ્વસ્થ થયા બાદ ઇન્ડિયન પ્રીમિયર લીગ (IPL) 2026માં દિલ્હી કૅપિટલ્સ સાથે જોડાવા માટે તૈયાર છે. તેની સંભવિત વાપસી ૧ મેના રોજ જયપુરમાં રાજસ્થાન રૉયલ્સ સામેની મૅચમાં થઈ શકે છે. ૩૬ વર્ષના આ ખેલાડીને ભારતમાં ટુર્નામેન્ટ રમવાની મંજૂરી મળી છે એ વાતની પુષ્ટિ ક્રિકેટ ઑસ્ટ્રેલિયાએ કરી છે. ખભા અને કોણીમાં દુખાવાને કારણે તે જાન્યુઆરીના અંતથી રમ્યો નથી. સિડનીમાં એક અઠવાડિયા સુધી કોઈ પીડા વિના બોલિંગ કરી હોવાથી તે અડધી સીઝન બાદ IPLમાં જોડાવા માટે તૈયાર છે. ૬ મૅચમાંથી ૩ જીત અને ૩ હારનો સામનો કરનાર અક્ષર પટેલ ઍન્ડ કંપનીનું બોલિંગ-યુનિટ ૧૧.૭૫ કરોડ રૂપિયાના મિચલ સ્ટાર્કની વાપસીથી વધુ મજબૂત બનશે.
