Hardik Pandya gifts Rs 4 crore Land Rover to son Agastya after divorce from Natasa, continuing co-parenting while celebrating girlfriend Maheika’s birthday.
તસવીર સૌજન્યઃ સોશ્યલ મીડિયા
સોશ્યલ મીડિયા પર હાર્દિક પંડ્યાએ તેના પુત્ર અગસ્ત્ય અને ભૂતપૂર્વ પત્ની નતાશા સ્ટેનકોવિકને આપેલી આ શાનદાર ગિફ્ટની તસવીરો ખૂબ વાઇરલ થઈ રહી છે. આ તસવીરમાં અગસ્ત્ય અને નતાશા લૅન્ડ રોવર ડિફેન્ડર કારની ડિલિવરી લેતાં જોવા મળે છે. ખાસ વાત એ છે કે કારની વેલકમ-નોટ પર સ્પષ્ટપણે લખ્યું છે, ‘પાપા ટુ અગસ્ત્ય’.
હાર્દિક પંડ્યાએ અગસ્ત્યને લૅન્ડ રોવર ડિફેન્ડરનું કયું મૉડલ ગિફ્ટ કર્યું છે એની જાણ નથી થઈ. અહેવાલો મુજબ હાર્દિકે આ કારનું ટૉપ મૉડલ ખરીદ્યું છે, જેની કિંમત લગભગ ૪ કરોડ રૂપિયા હોવાનું મનાય છે. કાર-ડીલર નવનીત મોટર્સે સત્તાવાર રીતે આ જાણકારી શૅર કરી છે કે આ કાર મુંબઈમાં અગસ્ત્ય પંડ્યા અને નતાશા સ્ટેનકોવિકને સોંપવામાં આવી છે.
ADVERTISEMENT
ભલે હાર્દિક અને નતાશા અલગ થઈ ગયાં હોય, બન્ને પોતાના પુત્ર અગસ્ત્યના ઉછેરની જવાબદારી સાથે મળીને નિભાવી રહ્યાં છે. પુત્રની ખુશી માટે હાર્દિકે આપેલી આ મોંઘીદાટ ભેટ અત્યારે ઇન્ટરનેટ પર ચર્ચાનો વિષય બની છે.
