° °

આજનું ઇ-પેપર
Wednesday, 05 October, 2022


૬૬ દિવસ બાકી, વર્લ્ડ કપ માટે ઉપલબ્ધ છે ૫૪ ક્રિકેટર

11 August, 2022 03:13 PM IST | New Delhi
Gujarati Mid-day Correspondent | feedbackgmd@mid-day.com

૨૦૨૨ના ૭ મહિનામાં ૭ કૅપ્ટન અજમાવ્યા ઇન્ડિયાએ : સિલેક્ટરો પાસે પુષ્કળ વિકલ્પો

ભારતીય ક્રિકેટ ટીમ T20 World Cup

ભારતીય ક્રિકેટ ટીમ

આગામી ઑક્ટોબરમાં ઑસ્ટ્રેલિયામાં ટી૨૦ વર્લ્ડ કપ શરૂ થાય એ પહેલાં ઝિમ્બાબ્વે સામે, એશિયા કપમાં તેમ જ ઑસ્ટ્રેલિયા અને સાઉથ આફ્રિકા સામે સિરીઝ રમાશે એટલે એમાં કુલ કેટલા ખેલાડીઓને અજમાવવામાં આવશે એ તો આવનારો સમય જ બતાવશે, પણ વર્ષ ૨૦૨૨ના ૭ મહિનામાં અને ૨૦૨૧ પછીનાં દોઢ વર્ષમાં ભારતીય ટીમમાં જેટલા ખેલાડીઓને રમવાનો મોકો મળ્યો છે એની સંખ્યા પરથી ભારતની એક કે બે નહીં, પણ ચાર ટીમ બની શકે.

૧૬ ઑક્ટોબરે શરૂ થનારા ટી૨૦ વિશ્વકપને ૬૬ દિવસ બાકી છે. ૨૦૨૧ના વર્ષની શરૂઆતથી અત્યાર સુધીમાં ભારત વતી ત્રણેય ફૉર્મેટ મળીને કુલ ૭૪ મૅચમાં રોહિત શર્મા, રિષભ પંત, હાર્દિક પંડ્યા, જસપ્રીત બુમરાહ, મોહમ્મદ શમી, રવીન્દ્ર જાડેજા, યુઝવેન્દ્ર ચહલ સહિત (રેગ્યુલર અને નવા મળીને) કુલ ૫૪ ખેલાડી રમી ચૂક્યા છે. આ દોઢ વર્ષમાં ૩૩ ખેલાડીઓએ ભારત વતી ટેસ્ટ અથવા વન-ડે અથવા ટી૨૦માં ડેબ્યુ કર્યું છે.

એટલું જ નહીં, ૨૦૨૨ના પહેલા ૭ મહિના ગણીએ તો આ સમયગાળામાં ભારતે ૭ કૅપ્ટન (વિરાટ, રોહિત, રાહુલ, હાર્દિક, શિખર, પંત અને બુમરાહ) અજમાવ્યા છે. ભારતે શ્રીલંકાના વર્લ્ડ રેકૉર્ડની બરાબરી કરી છે. ૨૦૧૭માં શ્રીલંકાએ ૭ કૅપ્ટન અજમાવ્યા હતા.

આ બધું જોતાં, ભારતીય સિલેક્ટરો પાસે અત્યારે ખેલાડીઓ ઉપરાંત કૅપ્ટનની નિયુક્તિ વિશે પણ ઘણા વિકલ્પો છે. તેમના માટે આ સુખદ અનુભવ કહેવાશે. વર્લ્ડ કપની ટીમના સુકાની તરીકે રોહિત શર્મા હશે કે કે. એલ. રાહુલ હશે કે હાર્દિક પંડ્યા એ તો આવનારા થોડા દિવસમાં ખબર પડી જશે, પરંતુ દોઢ વર્ષમાં સૌથી વધુ ૫૪ મૅચ રમનાર વિકેટકીપર-બૅટર રિષભ પંત, ૪૬ મૅચ રમનાર રોહિત શર્મા ઉપરાંત ૩૬-૩૬ મૅચ રમનાર શ્રેયસ ઐયર, સૂર્યકુમાર યાદવ અને ભુવનેશ્વર કુમાર પણ ટીમમાં હશે જ. બુમરાહ, હાર્દિક અને ચહલ પણ વર્લ્ડ કપની ટીમમાં સીધી એન્ટ્રી કરી લેશે. વિરાટ કોહલી ૨૭ ઑગસ્ટથી રમાનારા એશિયા કપમાં કેવું રમશે એના પર તેના ટી૨૦ ભાવિનો આધાર છે.

11 August, 2022 03:13 PM IST | New Delhi | Gujarati Mid-day Correspondent

અન્ય લેખો

ક્રિકેટ

જૉની બેરસ્ટૉ આ વર્ષના બાકીના મહિના નહીં રમે

તેની પગની ઘૂંટીમાં ગંભીર ઈજા થઈ છે

05 October, 2022 11:35 IST | New Delhi | Gujarati Mid-day Correspondent
ક્રિકેટ

હેટમાયર બે વખત ફ્લાઇટ ચૂક્યો એટલે વર્લ્ડ કપની ટીમમાંથી આઉટ

તેના સ્થાને ૧૧ ટી૨૦ ઇન્ટરનૅશનલ્સના અનુભવી શમાર બ્રુક્સને ટીમમાં સમાવવામાં આવ્યો છે.

05 October, 2022 11:29 IST | New Delhi | Gujarati Mid-day Correspondent
ક્રિકેટ

સચિન તેન્ડુલકર હજી પણ નંબર-વન સ્પોર્ટ‍્સ સેલિબ્રિટી

સચિન સર્વોચ્ચ સ્પોર્ટ્સ સેલિબ્રિટી છે અને તેના પછીના ક્રમે વિરાટ કોહલી તથા મહેન્દ્ર સિંહ ધોની છે.

05 October, 2022 11:26 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK