અર્જુન તેન્ડુલકરે એક વિકેટ લીધા બાદ વિનિંગ સિક્સર પણ ફટકારી...
ટૉસ વખતે શિવમ દુબે અને શ્રેયસ ઐયર, વિનિંગ સિક્સર ફટકાર્યા બાદ ખુશખુશાલ અર્જુન તેન્ડુલકર
વાનખેડે સ્ટેડિયમમાં મંગળવારે સાંજે મેન્સ T20 મુંબઈ લીગની ચોથી મૅચ સોબો મુંબઈ ફાલ્કન્સ અને ARCS અંધેરી ટીમ વચ્ચે રમાઈ હતી. ટૉસ હારીને પહેલાં બૅટિંગ કરનાર શ્રેયસ ઐયરની ટીમ મુંબઈ ફાલ્કન્સ ૧૮.૨ ઓવરમાં ૧૨૬ રન કરીને ઑલઆઉટ થઈ હતી. જવાબમાં અંધેરીની ટીમે ૧૪ ઓવરમાં પાંચ વિકેટના નુકસાન સાથે ૧૨૭ રનનો ટાર્ગેટ સરળતાથી ચેઝ કરી લીધો હતો.
ત્રીજા ક્રમે બૅટિંગ કરવા આવેલો શ્રેયસ ઐયર હરીફ ટીમના કૅપ્ટન શિવમ દુબેની ઓવરમાં ૭ બૉલમાં પાંચ રનના સ્કોર પર કૅચઆઉટ થયો હતો. ૩.૨ ઓવરમાં ૧૭ રનમાં ૩ વિકેટ લઈને ૧૫ બૉલમાં ૧૬ રન કરનાર શિવમ દુબે પ્લેયર ઑફ ધ મૅચ બન્યો હતો. અંધેરી માટે રમેલી રહેલા અર્જુન તેન્ડુલકરે ૩ ઓવરમાં ૨૧ રન આપીને એક વિકેટ લીધી હતી. બે બૉલમાં ૭ રન પર અણનમ રહેનાર અર્જુને વિનિંગ સિક્સ ફટકારીને ૬ ઓવર એટલે કે ૩૬ બૉલ પહેલાં ટીમને જીત અપાવી હતી.
