સપ્ટેમ્બર ૨૦૨૬માં શુભમન ગિલે બે વન-ડે મૅચમાં એક સદી અને એક ડબલ સેન્ચુરીની મદદથી ૩૩૩ રન કરીને આ અવૉર્ડ જીત્યો છે.
શુભમન ગિલ
ભારતીય વન-ડે અને ટેસ્ટ-ટીમ કૅપ્ટન શુભમન ગિલે સૌથી વધુ મેન્સ ICC પ્લેયર ઑફ ધ મંથ જીતીને પોતાનો રેકૉર્ડ પાંચમા પુરસ્કાર સુધી લંબાવ્યો છે. ICCનો આ પ્રતિષ્ઠિત અવૉર્ડ પાંચમી વખત જીતનાર શુભમન ગિલ પહેલો પુરુષ ખેલાડી બન્યો છે. પાકિસ્તાનનો બાબર આઝમ આ લિસ્ટમાં ત્રણ અવૉર્ડ સાથે બીજા ક્રમે છે. વેસ્ટ ઇન્ડીઝની કૅપ્ટન હેલી મૅથ્યુઝ વિમેન્સ કૅટેગરીમાં રેકૉર્ડ પાંચ વખત આ અવૉર્ડ જીતી છે.
સપ્ટેમ્બર ૨૦૨૬માં શુભમન ગિલે બે વન-ડે મૅચમાં એક સદી અને એક ડબલ સેન્ચુરીની મદદથી ૩૩૩ રન કરીને આ અવૉર્ડ જીત્યો છે. આ રેસમાં તેણે ભારતના અભિષેક શર્મા અને ઝિમ્બાબ્વેના સિકંદર રઝાને પાછળ છોડ્યા હતા.
ADVERTISEMENT
શુભમન ગિલે અગાઉ જાન્યુઆરી ૨૦૨૩, સપ્ટેમ્બર ૨૦૨૩, ફેબ્રુઆરી ૨૦૨૫ અને જુલાઈ ૨૦૨૫માં આ પુરસ્કાર જીત્યો હતો. અત્યાર સુધીમાં ૧૧ ભારતીય પુરુષ ખેલાડીઓએ કુલ ૧૭ વખત આ પુરસ્કાર જીત્યો છે.
ત્રીજી વખત મેન્સ અને વિમેન્સ કૅટેગરીના બન્ને અવૉર્ડ ભારતીયોએ જીત્યા
સપ્ટેમ્બર ૨૦૨૬ માટે વિમેન્સ ICC પ્લેયર ઑફ ધ મંથનો અવૉર્ડ ભારતીય ઓપનર શફાલી વર્માને મળ્યો હતો. ગયા મહિને તેણે ૧૮૪.૬૧ના સ્ટ્રાઇક-રેટ સાથે કુલ ૩૬૦ રન બનાવ્યા અને ૬ વિકેટ લીધી હતી. નવેમ્બર ૨૦૨૫માં પણ શફાલી આ અવૉર્ડ જીતી હતી.
આ પાંચમી વખત છે જ્યારે એક જ રાષ્ટ્રીય બોર્ડના ખેલાડીઓએ એક જ મહિનામાં પુરુષ અને મહિલા બન્ને કૅટેગરીમાં પુરસ્કારો જીત્યા હોય. ભારતીય ક્રિકેટરોએ અગાઉ બે પ્રસંગોએ આ સિદ્ધિ હાંસલ કરી છે. જસપ્રીત બુમરાહ, સ્મૃતિ માન્ધનાએ જૂન ૨૦૨૪માં અને સપ્ટેમ્બર ૨૦૨૫ માટે અભિષેક શર્મા, સ્મૃતિ માન્ધનાની પસંદગી કરવામાં આવી હતી.
