હું મારું હૃદય, મારો આત્મા, મારું શરીર સર્વસ આ મૅચમાં લગાડી દઈશ. આ મૅચને હું મારા કરીઅરની આખરી મૅચ હોય એ પ્રમાણે રમીશ.જોકોવિચ
નોવાક જૉકોવિચ યુએસ ઓપનની ફાઇનલમાં પહોંચ્યો છે તેમ જ ૧૯૬૯ બાદ કૅલેન્ડર યર ગ્રૅન્ડ સ્લૅમ પૂર્ણ કરવાથી માત્ર એક વિજય દૂર છે. શુક્રવારે તેણે ટોક્યો ઑલિમ્પિક્સમાં ગોલ્ડ મેડલ જીતનાર ઍલેકેન્ડર ઝ્વેરેવને ૪-૬, ૬-૨, ૬-૪, ૪-૬, ૬-૨રથી હરાવ્યો હતો. આ વર્ષે મહત્ત્વની ચૅમ્પિયનશિપમાં જૉકોવિચનો રેકૉર્ડ ૨૭-૦નો રહ્યો છે.
આજે વિશ્વના બીજા ક્રમાંકના ખેલાડી ડેનિયલ મેડવડેવને હરાવે તો બે મહત્ત્વનો રેકૉર્ડ એના નામ પર થઈ જાય. આ વર્ષે ફેબ્રુઆરીમાં તે ઑસ્ટ્રેલિયન ઓપન, જૂનમાં ફ્રેન્ચ ઓપન અને જુલાઈમાં વિમ્બલ્ડન જીત્યો હતો. ૩૪ વર્ષનો સર્બિયાનો ખેલાડી આ ટાઇટલ જીતી જાય તો કૅલેન્ડર ગ્રૅન્ડ સ્લૅમ ઉપરાંત આ તેનું ૨૧મું ટાઇટલ હશે. પરિણામે સૌથી વધુ ગ્રૅન્ડ સ્લૅમ ટાઇટલ જીતનારો બની શકે. રોજર ફેડરર અને રાફેલ નડાલ પણ ૨૦-૨૦ ટાઇટલ જીતી ચૂક્યાં છે.
ADVERTISEMENT
બીજી તરફ રશિયાના ૨૫ વર્ષના ખેલાડી મેડવડેવ માટે આ કરીઅરની ત્રીજા ક્રમાંકની ફાઇનલ છે. એણે સેમી ફાઇનલમાં કૅનેડાના ફેલિક્સ અગર-અલીસીમને ૬-૪, ૭-૫, ૬-૨થી હરાવ્યો હતો.
31
જૉકોવિચની આ આટલામી ગ્રૅન્ડ સ્લૅમ ફાઇનલ છે.
9 જૉકોવિચ આટલામી વખત યુએસ ઓપનની ફાઇનલમાં પહોંચ્યો છે.
હું મારું હૃદય, મારો આત્મા, મારું શરીર સર્વસ આ મૅચમાં લગાડી દઈશ. આ મૅચને હું મારા કરીઅરની આખરી મૅચ હોય એ પ્રમાણે રમીશ.જોકોવિચ
This website uses cookie or similar technologies, to enhance your browsing experience
and provide personalised recommendations. By continuing to use our website, you agree
to our Privacy Policy and Cookie Policy. OK