° °

આજનું ઇ-પેપર
Monday, 27 September, 2021


Olympic 2020: 41 વર્ષે ભારતે મેન્સ હૉકીમાં જીત્યો મેડલ

05 August, 2021 10:22 AM IST | Mumbai | Gujarati Mid-day Online Correspondent

જર્મનીની ટીમ પર સેકેન્ડ હાફમાં દબાણ જોવાયું તો ભારતના ખેલાડી સતત ગોલની શોધમાં દેખાયા, જેનો તેમને ફાયદો મળ્યો. સિમરનજીત સિંહે હૉકી પ્રેમીઓને નિરાશ ન કરતા ગોલ કર્યા.

તસવીર સૌજન્ય PTI

તસવીર સૌજન્ય PTI

Tokyo Olympics 2020: ટોક્યો ઑલિમ્પિકમાં ભારતે ઇતિહાસ રચ્યો છે. ભારતે પુરુષ હૉકીમાં 4 દાયકા બાદ કાંસ્ય પદક જીત્યો છે. ભારતે જર્મનીને 5-4થી માત આપી છે. સિમરનજીત સિંહે 3 ગોલ કર્યા. ટીમ ઇન્ડિયાની શરૂઆત આ મુકાબલે ખરાબ રહી પણ તેણે સતત ગોલ કરીને કમબૅક કર્યું. પણ ત્યાર બાદ જર્મનીએ બે વધુ ગોલ કરી દબાણ બનાવ્યું. પણ ટીમ ઇન્ડિયાએ જબરજસ્ત કમબૅક કરતા માત્ર 2 મિનિટમાં મેચને 5-4ની લીડ પર પહોંચાડી. જર્મનિએ મેચની પહેલી મિનિટમાં જ ગોલ કર્યો હતો. જર્મની તરફથી Timur Oruzએ આ ફીલ્ડ ગોલ કર્યું, ત્યાર બાદ જર્મની 1-0થી આગળ હતી. ટીમ ઇન્ડિયા પાસે જ્યારે જવાબી હુમલો કરવાની તક હતી, ત્યારે તે ચૂકી. ભારતને પાંચમી મિનિટે પેનલ્ટી કૉર્નર મળ્યું. પણ રુપિંદર પાલ સિંહ ગોલ કરવામાં નિષ્ફળ રહ્યા. રુપિંદર નિરાશ દેખાયા. તે ઇન્જેક્શનથી ખુશ ન દેખાયા.

પહેલા ક્વૉટરમાં જર્મની ભારત પર હાવી રહ્યું. આ ક્વૉટરમાં જર્મની ખૂબ જ આક્રમક દેખાયું. જર્મનીની ટીમે પહેલી મિનિટે જ ગોલ કરીને પોતાના ઇરાદા સ્પષ્ટ કર્યા અને શરૂઆતથી લીડ કરી. પહેલું ક્વૉટર ખતમ થવાની બરાબર પહેલા તેને પેનલ્ટી કૉર્નર મળ્યા. ભારતે આ વખતે શાનદાર બચાવ કર્યો અને જર્મનીની લીડ 1-0 સુધી જાળવી રાખી. તેમણે સતત બે સારા બચાવ કર્યા.

સેકેન્ડ હાફમાં ભારતે જબરજસ્ત રમત બતાવી. ભારતે ન તો ફક્ત ગોલ કર્યા પણ જર્મનીના ખેલાડીઓને પણ ગોલ કરતા અટકાવ્યા. જર્મનીની ટીમ પર સેકેન્ડ હાફમાં દબાણ જોવાયું તો ભારતના ખેલાડી સતત ગોલની શોધમાં દેખાયા, જેનો તેમને ફાયદો મળ્યો. સિમરનજીત સિંહે હૉકી પ્રેમીઓને નિરાશ ન કરતા ગોલ કર્યા.

કેવી રીતે ભારતે પલટી બાજી
એક સમય એવો પણ હતો જ્યારે જર્મની 3-1થી આગળ હતું. પણ પછી ટીમ ઇન્ડિયાએ જબરજસ્ત ખેલ બતાવતા જર્મનીને માત આપી. ગોલકીપર શ્રીજેશે પણ ગોલ પર ઉભા રહીને જર્મનીને લીડ લેવાની તક અંતિમ ક્ષણ સુધી ન આપી. સિમરનજીત સિંહે 3 ગોલ કરતા ભારતનું મેચમાં કમબૅક કરાવ્યું. જર્મનીની ટીમ સેકેન્ડ હાફમાં તે કમાલ ન દર્શાવી શકી જે તેમણે ફર્સ્ટ હાફમાં બતાવ્યો હતો.

ભારત તરફથી પહેલો ગોલ સિમરનજીત સિંહે કર્યો. આ ટોક્યો ઑલિમ્પિક્સમાં તેમનો બીજો ગોલ હતો. બીજો ગોલ કરવાની તક હાર્દિક સિંહને મળી. ત્રીજો ગોલ ફરી સિમરનજીત સિંહે કર્યો અને ચોથો ગોલ રુપિંદર પાલ સિંહ દ્વારા કરવામાં આવ્યો, જેમણે પેનલ્ટી સ્ટ્રોકને ગોલમાં પરિવર્તિત કર્યો. આ એ જ ક્ષણ હતી, જ્યારે ટીમ ઇન્ડિયા મેચમાં 4-3થી આગળ હતી અને પછી પાંચમો ગોલ સિમરનજીત સિંહે કર્યો, જેના પછી ભારતે 5-4ની લીડ જર્મની પર લીધી, જે મેચના અંત સુધી જળવાઈ રહી.

05 August, 2021 10:22 AM IST | Mumbai | Gujarati Mid-day Online Correspondent

અન્ય લેખો

અન્ય સ્પોર્ટ્સ

સાનિયા મિર્ઝા ફાઇનલમાં

સાનિયાને હવે આજે આ સીઝનની પ્રથમ ટ્રોફી જીતવાની તક છે. તે ગયા મહિને યુએસમાં ફાઇનલમાં હારી ગઈ હતી.

26 September, 2021 03:41 IST | Mumbai | Agency
અન્ય સ્પોર્ટ્સ

ન્યુઝ શોર્ટમાં : એક ક્લિકમાં વાંચો રમત જગતના સમાચાર

પરેશાન પાકિસ્તાનની મદદે અફઘાનિસ્તાન; સ્ટાર બાસ્કેટબૉલ ખેલાડી સતનામ હવે કુસ્તી કરશે અને વધુ સમાચાર

25 September, 2021 09:43 IST | New Delhi | Gujarati Mid-day Correspondent
અન્ય સ્પોર્ટ્સ

બે સ્ટાર ગોલ્ડ મેડલિસ્ટોનું મિલન નીરજ ચોપડાને ગિફ્ટમાં મળ્યું ટોક્યો

આ પપ્પીનું નામ તેમણે નીરજની સિદ્ધિને બિરદાવતાં ટોક્યો રાખ્યું હતું. બિન્દ્રાએ આશા વ્યક્ત કરી હતી કે આ ટોક્યો પપ્પી નીરજને તેનું જોડીદાર પૅરિસ પપ્પી લાવવા મોટિવેટ કરશે.

23 September, 2021 06:12 IST | Mumbai | Agency

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK