છેલ્લા કલાકની વેચવાલીમાં બજાર ૩૩૧ પૉઇન્ટની નરમાઈમાં બંધ

દુબઈ ખાતે ઍર-શોમાં તેજસના ક્રૅશના પગલે ડિફેન્સ શૅરોમાં ખરાબી : રૂપિયાની ખરાબીથી ફાર્મા સેક્ટર લાભમાં રહેવાની વાર્તા વચ્ચે હેલ્થકૅર શૅરો નરમ : બૅન્ગકૉકના ૪૧માંથી વધેલા ૧૪ શૅરમાં કર્ણાટકા બૅન્ક સતત બીજા દિવસે મોખરે : અનિલ અંબાણીની રિલાયન્સ ઇન્ફ્રાસ્ટ્ર

પ્રતીકાત્મક ફાઇલ તસવીર

AIમાં બબલની ફિયર અને ક્રિપ્ટોમાં આના ખરાબીના પગલે ખરડાયેલાં વૈશ્વિક શૅરબજારો સોમવારે ટે​ક્નિકલ સુધારામાં જણાયાં છે. એશિયા ખાતે હૉન્ગકૉન્ગ પોણાબે ટકા નજીક, થાઇલૅન્ડ એક ટકો તથા સિંગાપોર અડધા ટકાથી વધુ પ્લસ હતા. અન્યત્ર સુધારો ઘણો નાનો હતો. જપાન રજામાં હતું. સાઉથ કોરિયા નહીંવત્ ઘટ્યું છે. યુરોપ પણ રનિંગમાં સાધારણથી માંડી એક ટકા સુધી ઉપર દેખાયું છે. બિટકૉઇન તાજેતરમાં ૮૦,૭૬૦ ડૉલરની મ​લ્ટિ-મન્થ બૉટમ બનાવ્યા બાદ ડગુમગુ ચાલમાં રનિંગમાં ગઈ કાલે પાંચ ટકા તૂટી ૮૬,૭૭૪ ડૉલર ચાલતો હતો.

ઘરઆંગણે સેન્સેક્સ આગલા બંધથી ૮૯ પૉઇન્ટના મામૂલી સુધારામાં ૮૫,૩૨૦ ખૂલી છેવટે ૩૩૧ પૉઇન્ટ ઘટીને ૨૫,૯૫૯ બંધ થયો છે. બે વાગ્યા સુધી બજારની ચાલ અથડાયેલી હતી, વધ-ઘટની રેન્જ ઘણી નાની હતી. છેલ્લા દોઢેક કલાકની નબળાઈમાં શૅરઆંક ઉપરમાં ૮૫,૪૭૩ તેમ જ નીચામાં ૮૪,૭૧૦ થયો હતો. રોકડું એકાદ ટકો વધુ માયૂસ થઈ લગભગ બે મહિનાના તળિયે પહોંચ્યું છે. બજારનાં મોટા ભાગનાં સેક્ટોરલ પણ ઢીલાં થયાં છે. પાવર ઇન્ડેક્સ સવા ટકા, યુટિલિટિઝ સવા ટકો, રિયલ્ટી ૨-૧ ટકા, ઑઇલ-ગૅસ એક ટકો, કૅપિટલ ગુડ્સ ૧.૩ ટકા, એનર્જી બેન્ચમાર્ક એક ટકો, મેટલ ઇન્ડેક્સ સવા ટકો ડાઉન હતો. નિફ્ટી ડિફેન્સ બેન્ચમાર્ક સર્વાધિક અઢી ટકા બગડ્યો છે. સામે IT ઇન્ડેક્સ ૦.૪ ટકા સુધર્યો છે. જોકે એમાંય સાઇડ કાઉન્ટર્સ બહુધા નરમ હતાં. બૅન્ક નિફ્ટી ૩૨ પૉઇન્ટ જેવો નજીવો નરમ હતો. માર્કેટ બ્રેડ્થમાં બૂરાઈ યથાવત્ રહેતાં NSEમાં વધેલા ૮૧૦ શૅરની સામે ૨૩૧૬ જાતો રેડઝોનમાં ગઈ છે. માર્કેટ કૅપ ૨.૪૬ લાખ કરોડના ઘટાડામાં ૪૬૯.૬૫ લાખ કરોડ રહ્યું છે.

ADVERTISEMENT

ટૅક મહિન્દ્ર ૨.૪ ટકા વધીને ૧૪૯૬ બંધમાં બન્ને બજારમાં ઝળક્યો છે. ઇન્ફોસિસ ૦.૨ ટકાથી વધુ, વિપ્રો એક ટકા પ્લસ હતો. મૅગ્નેટિક ક્લાઉડ પોણાસોળ ટકા લથડી IT ઇન્ડેક્સના ૭૭માંથી ઘટેલા ૫૧ શૅરમાં મોખરે હતો. HDFC બૅન્ક નામપૂરતી સુધરી ૯૯૯ બંધમાં બજારને ૧૨ પૉઇન્ટ ફળી છે.

ભારત ઇલેક્ટ્રૉનિક્સ ૩ ટકા ઘટીને ૪૦૩ બંધમાં સેન્સેક્સ ખાતે ટૉપ લૂઝર બની છે. નિફ્ટી ખાતે JSW સ્ટીલ ૩ ટકા પીગળી હતી. મૅક્સ હેલ્થકૅર ૨.૪ ટકા, ITC ૧.૧ ટકા, મહિન્દ્ર ૧.૯ ટકા, તાતા સ્ટીલ ૧.૬ ટકા, ટ્રેન્ટ એક ટકા, બજાજ ફાઇનૅન્સ એક ટકા, ભારતી ઍરટેલ ૧.૧ ટકા, કોલ ઇન્ડિયા દોઢ ટકા, ગ્રાસિમ ૧.૭ ટકા, ડૉ. રેડ્ડીઝ લૅબ ૧.૪ ટકા ડાઉન થઈ છે. રિલાયન્સ ઉપરમાં ૧૫૫૦ થઈ પોણો ટકો ઘટી ૧૫૩૪ રહી છે. જિયો ફાઇનૅન્સ સવા ટકો નરમ હતી. ડૉલર સામે રૂપિયો ૯૦ ભણી ધસતાં ઑલટાઇમ નવા તળિયે પહોંચી ગયો છે. ત્યારે ફાર્મા સેક્ટરને રૂપિયાની નબળાઈથી ફાયદો થવાની વાર્તાઓ થવા માંડી છે. જોકે ગઈ કાલે ફાર્મા-હેલ્થકૅર બેન્ચમાર્ક અડધો ટકા માઇનસ થયો છે. હેલ્થકૅરના ૧૧૯માંથી ૩૮ શૅર પ્લસ હતા. શ્રીરામ ફાઇનૅન્સ ૮૩૯ ઉપર સર્વોચ્ચ સપાટી નોંધાવી ૦.૪ ટકા સુધરી ૮૨૬ રહી છે. MCX સરેરાશ કરતાં અડધા કામકાજે બે ટકા કે ૧૮૯ રૂપિયા વધી ૯૮૬૫ બંધ આવી છે. સામે ‍BSE લિમિટેડ બે ટકાની નરમાઈમાં ૨૮૦૨ હતી. ચેન્નઈ પેટ્રો ૪ ટકા લપસી ૯૮૩ થઈ છે. MRPL સવાબે ટકા ખરડાઈ હતી. ઍક્સિસ બૅન્ક ૧૨૯૧ની વિક્રમી સપાટી બતાવી સાધારણ ઘટીને ૧૨૭૧ થઈ છે. 

નવા શ્રમ-કાનૂનના પગલે ટીમલીઝમાં ૧૧૩૨ ગણું જંગી વૉલ્યુમ

દુબઈ ખાતે ઍર-શો દરમ્યાન સ્વદેશી જેટ ફાઇટર તેજસ ક્રૅશ થયું હોવાના સમાચાર દેશના ડિફેન્સ ઉદ્યોગ માટે આઘાતજનક છે. આનાથી ડિફેન્સ ક્ષેત્રે નિકાસમાં હરણફાળ ભરવાનાં સપનાં આડે બેશક અવરોધ આવવાનો છે. ગઈ કાલે ડિફેન્સ નિફ્ટી ઇન્ડેક્સ અઢી ટકા બગડ્યો છે. તેજસની નિર્માતા સરકારી કંપની હિન્દુસ્તાન ઍરોનોટિક્સ ૪ ગણા વૉલ્યુમે આઠેક ટકાની ખરાબીમાં નીચામાં ૪૨૦૫ બતાવી છેવટે સવાગણ ટકા ખરડાઈ ૪૪૪૩ બંધ રહી છે. બ્રોકરેજ હાઉસ CLSA તરફથી ૫૪૩૬ની ટાર્ગેટ પ્રાઇસ સાથે બુલિશ-વ્યુ જાળવી રખાયો છે. ડિફેન્સ સેક્ટરના અન્ય શૅરમાં ગઈ કાલે મિશ્ર થાતુ નિગમ સાડાચાર ટકા, DCX ઇ​ન્ડિયા પોણાપાંચ ટકા, એસ્ટ્રા માઇક્રોવેવ ૩.૮ ટકા, જે. કે. એન્ટરપ્રાઇઝિસ સાડાપાંચ ટકા, અપોલો માઇક્રો ૪.૪ ટકા, સિકા ઇન્ટરપ્રાઇઝિસ સાડાત્રણ ટકા, ગાર્ડન રિચ ૩.૮ ટકા, ઍ​ક્સિસ કેડ્સ ૩.૮ ટકા, અવાન્ટેલ ૩.૩ ટકા, પારસ ડિફેન્સ ૧.૮ ટકા, ઝેન ટેક્નો. ૨.૬ ટકા, ડેટા પૅટર્ન્સ ૩ ટકા ડાઉન હતા. ઉદ્યોગના ૨૨માંથી ૨૨ શૅર માઇનસ થયા છે.

સરકાર તરફથી ન્યુ લેબર કોડના નામે નવો કામદાર ધારો જાહેર કરવામાં આવ્યાની આડઅસરમાં રિક્રૂટમેન્ટ કંપની ટીમલીઝ સર્વિસિસ ૧૧૩૧ ગણા ચિક્કાર વૉલ્યુમે ઉપરમાં ૧૮૭૩ થઈ એક ટકો કે ૧૭ રૂપિયા વધી ૧૬૭૭ બંધમાં ઝળકીને ઝંખવાઈ છે. થંગમયિલ જ્વેલરી ૩૩૦૦ નજીક જઈ ૭.૨ ટકાના જમ્પમાં ૩૨૩૪ હતી. એઇટી જ્વેલર્સ ૧૦ ટકાની મંદીની સર્કિટમાં ૩૭ ઉપર બંધ થઈ છે. રેનેસાં ગ્લોબલ સાડાછ ટકા તૂટી હતી. લૉઇડ્સ એ​ન્જિનિયરિંગ ૫.૨ ટકા બગડી બાવન રહી છે, પણ એનો પાર્ટ પેઇડ શૅર ૩૬ના વર્સ્ટ લેવલે જઈને ૮.૭ ટકાના ધબડકામાં ૩૬.૬૦ હતો. ટ્રાન્સફૉર્મર્સ ઍન્ડ રે​ક્ટિફાયર્સ ૫.૬ ટકા, પટેલ એ​ન્જિ​નિયરિંગ. ૫.૭ ટકા, ગરવારે હાઇટેક સાડાછ ટકા કે ૨૫૯ રૂપિયા ડૂલ થયો છે. રિલાયન્સ ઇન્ફ્રા પાંચ ટકાની નીચલી સર્કિટમાં ૨૨ મહિનાના તળિયે ૧૫૭ થઈ છે. રિલાયન્સ પાવર ૪.૭ ટકા ગગડીને ૩૭ રહી છે. 

કોટક મહિન્દ્ર બૅન્કમાં પાંચના શૅરનું એક રૂપિયામાં વિભાજન

અમેરિકન કોર્ટમાં કમ્પ્યુટર સાય​ન્સિસ કૉર્પોરેશન/DXC ટેક્નૉલૉજીઝ તરફથી TCS સામે ફાઇલ થયેલા કેસમાં અદાલતે TCS વિરુદ્ધ ચુકાદો આવતાં ૧૯૪૦ લાખ કરોડ ડૉલર ચૂકવવા આદેશ કર્યો છે. TCS કોર્ટમાં રિવ્યુ અપીલ સહિત અન્ય વિકલ્પ ચકાસી રહી છે. ગઈ કાલે TCSનો શૅર અડધા કામકાજમાં ઉપરમાં ૩૧૭૯ થઈ ૦.૩ ટકા ઘટી ૩૧૪૦ બંધ થયો છે. કોટક મહિન્દ્ર બૅન્ક તરફથી પાંચ રૂપિયાની ફેસ વૅલ્યુવાળા પ્રત્યેક શૅરનું એક રૂપિયામાં વિભાજન કરવાનું નક્કી થયું છે. કંપનીએ આ અગાઉ સપ્ટેમ્બર ૨૦૧૦માં ૧૦ના શૅરનું પાંચ રૂપિયામાં વિભાજન કર્યું હતું. દરમ્યાન ડ્યુશ બૅન્કે ભારતમાંથી એ​ક્ઝિટ લેવાનો નિર્ણય લીધો છે. એનો રીટેલ તેમ જ વેલ્થ મૅનેજમેન્ટ બિઝનેસ હસ્તગત કરવા કોટક બૅન્ક અને ફેડરલ બૅન્ક ઉત્સુક હોવાના અહેવાલ છે. ડ્યુશ બૅન્ક વેલ્થ મૅનેજમેન્ટ સેગમેન્ટમાં ૨૫,૦૦૦ કરોડની ઍસેટ્સ અન્ડર મૅનેજમેન્ટ (AUM) ધરાવે છે. રીટેલ સેગમેન્ટની એની આવક વર્ષે ૨૪૫૦ કરોડ રૂપિયા જેવી છે. આ ઉપરાંત આઇડીબીઆઈ બૅન્કમાં પણ કન્ટ્રોલિંગ સ્ટેક લેવા કોટક બૅન્ક મેદાનમાં હોવાના અહેવાલ વહેતા થયા છે. ગઈ કાલે કોટક બૅન્ક ઉપરમાં ૨૧૦૪ બતાવી ૨૦૮૬ના લેવલે યથાવત્ બંધ હતી. ફેડરલ બૅન્ક ૨૫૧ના શિખરે જઈ સવા ટકો વધીને ૨૪૮ હતી.

BSEના સતાવાળા દ્વારા ૨૨ ડિસેમ્બરથી અમલી અને એ રીતે સેન્સેક્સમાંથી તાતા મોટર્સ પૅસેન્જર વ્હીકલ્સને રદ કરી એના સ્થાને ઇ​ન્ડિગો ફેમ ઇન્ટરગ્લોબ એવિયેશનનો સમાવેશ કરવાની જાહેરાત કરાઈ છે. ગઈ કાલે ઇ​ન્ડિગો ઉપરમાં ૫૯૫૩ બતાવી અડધો ટકો ઘટી ૫૮૦૫ થઈ છે. જ્યારે તાતા મોટર્સ પૅસેન્જર વ્હીકલ્સ નીચામાં ૩૫૬ થયા બાદ એક ટકો ઘટીને ૩૫૮ હતી. તાતા મોટર્સ કમર્શિયલ અર્થાત્ નવી તાતા મોટર્સ સવા ટકો ઘટીને ૩૨૦ નજીક હતી. 

ITI લિમિટેડ તગડા કામકાજે સાડાનવ ટકા ઊંચકાઈ

રેલ વિકાસ નિગમ નૉર્થ ઈસ્ટર્ન રેલવેના ૧૮૧ કરોડના પ્રોજેક્ટમાં લોએસ્ટ બિડર તરીકે બહાર આવી છે. શૅર ઉપરમાં ૩૩૦ થઈ પોણાચાર ટકા વધીને ૩૨૬ રહ્યો છે. મહારાષ્ટ્ર મેટ્રો રેલ કૉર્પોરેશનના ૧૪૧૫ કરોડના પ્રોજેક્ટમાં લવ્સ ઇન્ફ્રા એ​ન્જિનિયરિંગ તેમ જ કલ્પતરુ પ્રોજેક્ટ્સ ઇન્ટરનૅશનલ સંયુક્તપણે ૪૦:૬૦ના રેશિયોમાં સફળ બિડર બની છે. ગઈ કાલે લવ્સ ઇન્ફ્રા ૨.૧ ટકા વધી ૮૮૨ તથા કલ્પતરુ પ્રોજેક્ટ બે ટકા ઘટી ૧૨૦૪ બંધ થયો છે. તાતા કૅપિટલે મીઠાપુર પ્લાન્ટ ખાતે ૧૩૫ કરોડ અને કુડ્ડાલોર પ્લાન્ટ ખાતે ૭૭૫ કરોડની વિસ્તરણ યોજના મંજૂર કરી છે. શૅર ઉપરમાં ૮૩૦ બતાવી અડધો ટકો ઘટી ૮૦૫ રહ્યો છે.

શૈલી એ​ન્જિનિયરિંગમાં બ્રોકરેજ હાઉસ યુબીએસ તરફથી ૪૦૦૦ની ટાર્ગેટ પ્રાઇસથી બાયનો કૉલ અપાયો છે. શૅર ગઈ કાલે ઉપરમાં ૨૫૯૭ થઈ પોણો ટકો સુધરી ૨૪૯૯ બંધ હતો. શ્યામ મેટાલિક્સમાં જેફરીઝે ૧૦૫૦ની ટાર્ગેટ પ્રાઇસથી બુલિશ-વ્યુ આપ્યો છે. ભાવ આગલા દિવસની પોણાચાર ટકાની મજબૂતી બાદ ગઈ કાલે દોઢ ટકો ઘટી ૮૧૪ થયો છે. અગાઉ ઇન્વેચર્સ નૉલેજ સૉલ્યુશન્સ તરીકે ઓળખાતી આઇકેએસ હેલ્થમાં નોમુરા દ્વારા ૨૦૦૦ની ટાર્ગેટ પ્રાઇસથી બાયની ભલામણ કરાઈ છે. શૅર ગઈ કાલે ઉપરમાં ૧૬૯૦ થઈ સાડાપાંચ ટકા ઊછળી ૧૬૬૦ હતો. 
કર્ણાટકા બૅન્ક આગલા દિવસે તગડા જમ્પમાં ૧૮૯ બંધ રહ્યા પછી ગઈ કાલે આઠ ગણા કામકાજે ઉપરમાં ૨૦૪ થઈ ૫.૨ ટકા ઊંચકાઈ ૧૯૯ બંધ આવી છે. સરકારની ૯૦ ટકા માલિકીની સતત ખોટ કરતી કંપની આઇટીઆઈ લિમિટેડ ૪૩ ગણા વૉલ્યુમે ઉપરમાં ૩૩૩ દેખાડી ૯.૪ ટકાના જમ્પમાં ૩૨૫ થઈ છે. છેલ્લાં ૩ વર્ષમાં કુલ ખોટ ૧૧૬૨ કરોડ વટાવી ગઈ છે. 

એક્સેલ સૉફ્ટ તથા ગૅલાર્ડ સ્ટીલ આજે લિસ્ટેડ થશે

નવું ચાલુ સપ્તાહ IPOના મામલે પ્રમાણમાં ઠંડું જણાય છે. મેઇન બોર્ડમાં એક પણ ઇશ્યુ નથી. હાલની તારીખે SMEમાં પણ આખા સપ્તાહમાં માત્ર ૩ ભરણાં છે જેમાંથી બે બુધવારે ખૂલશે. જ્યારે આજે SSMD ઍગ્રોટેક ઇ​ન્ડિયા ૧૦ના શૅરદીઠ ૧૨૧ના ભાવથી ૩૪૦૯ લાખનો BSE SME ઇશ્યુ કરવાની છે જેમાં હજી કોઈ પ્રીમિયમ નથી. ચાલુ IPOમાં મેઇન બોર્ડની બરોડાની સુદીપ ફાર્માનો એકના શૅરદીઠ ૫૯૩ની અપર બૅન્ડ સાથે ૮૯૫ કરોડનો ઇશ્યુ બીજા દિવસના અંતે રીટેલમાં ૪.૮ ગણા સહિત કુલ ૪.૯ ગણો ભરાઈ ચૂક્યો છે. ભરણું આજે બંધ થશે. પ્રીમિયમ ૧૧૧ જેવું બોલાય છે. નવાં કોઈ લિ​સ્ટિંગ પણ આજ-કાલ નથી. બુધવારે ગૅલાર્ડ સ્ટીલ તથા એક્સેલ સૉફ્ટ ટેક્નૉલૉજીઝ લિસ્ટેડ થવાની છે. હાલ ગૅલાર્ડમાં પ્રીમિયમ ૭૦ના લેવલે પહોંચી ગયું છે. એક્સેલ સૉફ્ટમાં ૭નો રેટ ક્વોટ થાય છે.

શુક્રવારે માંડ સવાપાંચ ટકાના લિ​સ્ટિંગ ગેઇનમાં ૬૦૭ બંધ થયેલી કેપિલરી ટેક્નૉલૉજીઝ ગઈ કાલે ૩ ટકા વધી ૬૨૬ રહી છે. તાજેતરમાં લિસ્ટેડ થયેલા અન્ય જાણીતા શૅરોમાં ફ્યુઝિયામા પાવર સિસ્ટમ્સ નીચામાં ૨૦૭ થયા બાદ ૩.૮ ટકા વધીને ૨૧૭ થઈ છે. ટેનેકો ક્લીન ઍર ઉપરમાં ૫૦૪ થઈને સાડાચાર ટકા વધીને ૪૯૭ રહી છે. ફિઝિક્સવાલા નીચામાં ૧૨૭ બતાવી ચારેક ટકા ગગડી ૧૩૦ની અંદર હતી. એમ્વી ફોટોવૉલ્ટિક નીચામાં ૨૧૪ થઈને ૬ ટકા ખરડાઈ ૨૧૮ બંધ આવી છે. વર્કમેટ્સ કોર ટુ ક્લાઉડ આગલા દિવસે બે-બાજુની સર્કિટની ધમાલ મચાવી ઉપલી સર્કિટે ૩૮૬ નજીક બંધ થયા પછી ગઈ કાલે ઉપરમાં ૪૦૩ થઈ ૪ ટકા ઘટી ૩૭૦ હતી. ગ્રોફેમ બિલ્યન બ્રેઇન્સ ૩.૮ ટકા ઘટીને ૧૫૨, પાઇનલૅબ્સ સવા ટકો ઘટીને ૨૩૩, લેન્સકાર્ટ અડધો ટકો ઘટી ૪૧૫, સ્ટડ્સ એક્સેસરીઝ સવા ટકો ઘટી ૫૪૪ તથા ઑર્કલા ઇ​ન્ડિયા અઢી ટકા ઘટીને ૬૪૯ 
જોવાઈ છે.