પતંજલિના ગાયના ઘીનાં સૅમ્પલ્સની તપાસ એક રાજ્યકક્ષાની અને એક રાષ્ટ્રીય કક્ષાની એમ બે લૅબોરેટરીમાં કરવામાં આવી હતી
બાબા રામદેવ
બાબા રામદેવની પતંજલિ બ્રૅન્ડ અને એની સાથે જોડાયેલી બે કંપનીઓ પર ખરાબ ક્વૉલિટીનું ઘી વેચવાનો આરોપ ઉત્તરાખંડના ફૂડ સેફ્ટી ઍન્ડ ડ્રગ ઍડ્મિનિસ્ટ્રેશને લગાવ્યો છે. આ કેસ ૨૦૨૦માં પતંજલિ ગાયના ઘીનાં સૅમ્પલ સાથે સંકળાયેલો છે. રૂટીન તપાસ માટે પિથોરાગઢના કસની વિસ્તારના જનરલ સ્ટોરમાંથી લેવાયેલાં પતંજલિના ગાયના ઘીનાં સૅમ્પલ્સની તપાસ એક રાજ્યકક્ષાની અને એક રાષ્ટ્રીય કક્ષાની એમ બે લૅબોરેટરીમાં કરવામાં આવી હતી અને બન્નેમાં એ ઊતરતી કક્ષાનું હોવાનું નોંધાયું હતું.
એ પછી ૨૦૨૧માં પણ સૅમ્પલ ક્વૉલિટી ટેસ્ટમાં ઊણાં ઊતર્યાં હતાં. તાજેતરમાં કોર્ટે પતંજલિ આયુર્વેદ લિમિટેડ પર એક લાખ રૂપિયાનો અને એ ઘીનું ડિસ્ટ્રિબ્યુશન કરતી કંપનીને ૨૫,૦૦૦ અને કરિયાણાની દુકાનને ૧૫,૦૦૦ રૂપિયા એમ કુલ ૧.૪૦ લાખ રૂપિયાનો દંડ કર્યો હતો.
