દુઃખ ઘણાંયે સુખમાં પલટાઈ જશે

‘જશે, ચાલી જશે, ગઈ, એ વિચારે રાત ચાલી ગઈ’ અમીન આઝાદની આ પંક્તિ દર નવા વર્ષના આરંભિક તબક્કામાં યાદ આવે છે. જીવનશૈલી એ હદે ઝડપી બની ગઈ છે કે નવું વર્ષ ક્યારે શરૂ થાય અને ક્યારે પસાર થઈ જાય એની ખબર રહેતી નથી. જીવનને ટકાવવાની મથામણમાં જીવનનું હાર્દ ખોવાઈ જાય છે. પ્રમોદ અહિરે એ સમજાવે છે...

 

 

ઓળખ સ્થાપિત કરવા માટે દાયકાઓ આપવા પડે. આખી જિંદગી કમાઈને ભેગું કર્યું હોય તોય મધ્યમવર્ગનો માણસ કરોડ રૂપિયા સુધી પહોંચી નથી શકતો, જ્યારે IPLનો યુવાન ખેલાડી બેએક વર્ષમાં પાંચ-દસ કરોડ રૂપિયા સહેજે કમાઈ લે છે. એમાં આપણે હતાશ થવાની જરૂર નથી. નવી પેઢીનો વિકાસ થાય એમાં આનંદ જ હોય. મિલિન્દ ગઢવી વિકાસને વહાલપ તરફ દોરી જાય છે...

 

 

પ્રલયની અફવા સમયાંતરે ઊડતી રહે છે. દુનિયા ખલાસ થવાની વાત તો દૂર રહી દુનિયાની વસ્તી સતત વધતી જ જાય છે ને સામે કુદરતી સંસાધનો ઓછાં થઈ રહ્યાં છે. દુનિયાનો વીંટો વળી જશે તો પર્યાવરણને થતાં નુકસાનને કારણે થશે એમાં બેમત નથી. વૈશ્વિક તાપમાન વધવાની સાથે અનેક આપત્તિઓ રૌદ્ર સ્વરૂપ ધારણ કરી રહી છે. વૈશ્વિક હોય કે વૈયક્તિક હોય, સમસ્યાનું નિરાકરણ ન મળે ત્યાં સુધી અનેક આહુતિ આપવી પડે. રઈશ મનીઆર શીખ આપે છે...

 

 

જિંદગીમાં એક મિત્ર, એક સ્વજન તો એવું હોવું જોઈએ જેના ખભે માથું મૂકીને રડી શકાય. એક કલા એવી હોવી જોઈએ જેની સાધના આપણને તૃપ્તિના પંથે લઈ જાય. સાવ ટાંચાં સાધનો સાથે નાની કુટિરમાં જીવતો કોઈ સંત અનેક સિદ્ધિઓ પ્રાપ્ત કરી શકે છે. આપણને આ બધું સમજાતું નથી કારણ કે આપણી ગણતરીઓ પાસબુક અને સંપત્તિ આધારિત હોય છે. નીરવ વ્યાસ ચિંતનકણિકા આપે છે...

 

 

જીવસૃષ્ટિમાં દરેકનું આયુષ્ય નિશ્ચિત હોય છે. વૃક્ષની પણ એક આવરદા હોય અને મનુષ્યની પણ એક આવરદા હોય. દેહનું ઘસાવું કુદરતી પ્રક્રિયા છે. આજકાલ પ્રદીર્ઘ આયુષ્ય મેળવવાના અનેક પ્રયોગો ચાલી રહ્યા છે. આયુષ્ય લાંબું હોય એની સામે વાંધો નથી, પણ એ આયુષ્ય સ્વાસ્થ્યપ્રદ હોવું જોઈએ. સણકા સાથે શ્વાસો લેવા પડે એવી જિંદગી અભિશાપરૂપ થઈ શકે. રમેશ પારેખ સવાલો પૂછે છે...

 

 

ઝરણ તો કદાચ નહીં થાકે પણ ચરણ જલદી થાકતાં થઈ ગયાં છે. ની રિપ્લેસમેન્ટના દરદીઓ વધતા જ જાય છે. ઘૂંટણનો ઘસારો સામાન્ય થઈ પડ્યો છે. કોઈ આપણને પલાંઠી વાળીને બેસવાનું કહે તો હક્કાબક્કા થઈ જવાય અને યાદ કરવું પડે કે છેલ્લે પલાંઠી વાળીને ક્યારે બેઠેલા. ઘરમાં ડાઇનિંગ ટેબલ હોય અને બહાર જ્યાં જઈએ ત્યાં ખુરસી હોય એટલે પલાંઠી વાળવાની આદત અને દાનત બન્ને ખોરવાઈ ગઈ છે. દેહની પીડા છોડી અગન રાજ્યગુરુ કહે છે એવી સ્નેહની પીડા તરફ જઈએ... 

 

 

લાસ્ટ લાઇન