સલમાન ખાન ચુસ્ત સુરક્ષાબંદોબસ્ત સાથે મુંબઈની બહાર ઊપડ્યો છે. એનો વિડિયો સોશ્યલ મીડિયામાં વાઇરલ થયો છે
સલમાન ખાન
સલમાન ખાનના ઘરની બહાર તાજેતરમાં જ વહેલી સવારે ગોળીબાર કરવામાં આવ્યો હતો. એ ઘટના બાદ સલમાન ખાન ચુસ્ત સુરક્ષાબંદોબસ્ત સાથે મુંબઈની બહાર ઊપડ્યો છે. એનો વિડિયો સોશ્યલ મીડિયામાં વાઇરલ થયો છે. રવિવારે સવારે પાંચ વાગ્યે બે બાઇકસવારોએ સલમાનના બાંદરાના ગૅલેક્સી અપાર્ટમેન્ટની બહાર ફાયરિંગ કરી હતી. આ ઘટના બાદથી તેનો પરિવાર ચિંતિત થઈ ગયો છે. પોલીસે એ બે વ્યક્તિઓની ધરપકડ કરી લીધી છે અને વધુ પૂછપરછ શરૂ કરી છે. સલમાનને અગાઉ પણ ધમકીઓ મળી ચૂકી છે અને તેની સલામતી-વ્યવસ્થા વધારવામાં આવી છે. સલમાને ઈદ દરમ્યાન તેની આગામી ફિલ્મ ‘સિકંદર’ની જાહેરાત કરી હતી. એનું શૂટિંગ ટૂંક સમયમાં તે શરૂ કરવાનો છે.