આયુષ્માન ખુરાના અને સારા અલી ખાનની ફિલ્મ `ઉડતા તીર`નું બીજું ટ્રેલર રિલીઝ

આયુષ્માન ખુરાના અને સારા અલી ખાનની ‘ઉડતા તીર’ પહેલાં ૯ ઑક્ટોબરે રિલીઝ થવાની હતી. જોકે હવે ‘દૃશ્યમ : ધ કન્ક્લુઝન’ને મળતા સારા પ્રતિભાવને કારણે બૉક્સ-ઑફિસ પર ટક્કર ટાળવા ‘ઉડતા તીર’ ફિલ્મના મેકર્સે એની રિલીઝ-ડેટ આગળ ધપાવી દીધી છે.

આયુષ્માન ખુરાના

આયુષમાન ખુરાનાની આગામી ફિલ્મ `ઉડતા તીર`નું બીજું ટ્રેલર રિલીઝ કરવામાં આવ્યું છે. આ ફિલ્મ કૉમેડી, ઍક્શન અને મનોરંજનથી ભરપૂર એક શાનદાર સિનૅમેટિક અનુભવ પૂરું પાડશે એવી મેકર્સને આશા છે. આયુષ્માન ખુરાના અને સારા અલી ખાન સ્ટારર આ અનોખી દેશભક્તિપૂર્ણ કૉમેડી પ્રેક્ષકોને હાસ્ય, રમુજી પરિસ્થિતિઓ અને અણધાર્યા વળાંકોથી ભરેલી સફર પર લઈ જાય છે.

ફિલ્મના જૉનર વિશે આયુષ્માન ખુરાનાએ વાત કરી

ADVERTISEMENT

વિવિધ જૉનર્સમાં વાર્તાઓની અનોખી પસંદગી અને સહજ અભિનય માટે જાણીતા આયુષ્માન ખુરાના આ ફિલ્મ સાથે કૉમેડીમાં વાપસી કરી રહ્યા છે. ફિલ્મના અનોખા મિજાજ વિશે વાત કરતા આયુષ્માને કહ્યું, "જ્યારે તમને લાગે કે તમે જાણો છો કે `ઉડતા તીર`ની વાર્તા કઈ દિશામાં આગળ વધી રહી છે, ત્યારે જ તેમાં એક નવો વળાંક આવે છે. મારા માટે, ફિલ્મનો અસલી હીરો તેનો અનોખો વિષય છે જે વિવિધ જૉનરનું મિશ્રણ કરે છે. આપણે દેશભક્તિપૂર્ણ ફિલ્મો, ઍક્શન મૂવીઝ અને કૉમેડી જોઈ છે, પરંતુ આ ત્રણેયને આવી મજેદાર અને અનોખી રીતે રજૂ કરવા એ કંઈક એવું છે જે પ્રેક્ષકોએ પહેલાં ક્યારેય જોયું નથી. અમને આ દુનિયા બનાવવાની પ્રક્રિયામાં ખૂબ મજા આવી, અને મને વિશ્વાસ છે કે જ્યારે પ્રેક્ષકો મોટા પડદા પર આ ફિલ્મ જોશે ત્યારે તેઓ તેમાં રહેલા આશ્ચર્યો, ધમાલ અને હાસ્યનો ભરપૂર આનંદ માણશે."

સ્ટાર કાસ્ટ અને પ્રોડક્શન ટીમ

આ ફિલ્મમાં આયુષ્માન ખુરાના અને સારા અલી ખાન મુખ્ય ભૂમિકાઓ ભજવી રહ્યા છે. તેમની સાથે મહત્ત્વ પૂર્ણ ભૂમિકાઓમાં મુકુલ દેવ, રામ કપૂર, રઘુબીર યાદવ, બ્રિજેન્દ્ર કાલા, ગુલશન ગ્રોવર, સુહેલ નૈયર, રાહુલ બોઝ અને સુપ્રિયા પિલગાંવકર જોવા મળશે. આ ફિલ્મ આકાશ એ. કૌશિક દ્વારા લખવામાં અને નિર્દેશિત કરવામાં આવી છે. તેનું નિર્માણ કરણ જોહર, અદાર પૂનાવાલા, અપૂર્વ મહેતા, ગુનીત મોંગા કપૂર અને અચિન જૈન દ્વારા કરવામાં આવ્યું છે અને તે ધર્મા પ્રોડક્શન્સ અને સિખ્યા એન્ટરટેઈનમેન્ટના બેનર હેઠળ બનાવવામાં આવી છે. `ઉડતા તીર` ફિલ્મ 23 ઑક્ટોબર, 2026ના રોજ સિનેમાઘરોમાં રિલીઝ થવાની છે.

ઉડતા તીર હવે ૯ ઑક્ટોબરના બદલે ૨૩ ઑક્ટોબરે રિલીઝ થશે

આયુષ્માન ખુરાના અને સારા અલી ખાનની ‘ઉડતા તીર’ પહેલાં ૯ ઑક્ટોબરે રિલીઝ થવાની હતી. જોકે હવે ‘દૃશ્યમ : ધ કન્ક્લુઝન’ને મળતા સારા પ્રતિભાવને કારણે બૉક્સ-ઑફિસ પર ટક્કર ટાળવા ‘ઉડતા તીર’ ફિલ્મના મેકર્સે એની રિલીઝ-ડેટ આગળ ધપાવી દીધી છે. હવે આ ફિલ્મ બે અઠવાડિયાં બાદ ૨૩ ઑક્ટોબરે ‌થિયેટરોમાં રિલીઝ થશે. ‘ઉડતા તીર’ પોતાના ટ્રેલર અને ચાલી રહેલા પ્રમોશનને કારણે ચર્ચામાં છે. ફિલ્મના ટીઝરને પણ સારો પ્રતિસાદ મળી રહ્યો છે એટલે મેકર્સે રિલીઝ-ડેટ પોસ્ટપોન કરવાનો નિર્ણય લીધો છે. આ બદલાવથી ફિલ્મને રિલીઝ માટે વધુ યોગ્ય સમય મળશે અને વધુ સ્ક્રીન્સ પણ મળી શકશે.