Rakesh Bedi on food adulteration: ‘ધૂરંધર’ ફિલ્મના અભિનેતા રાકેશ બેદીએ નાણાકીય લાભ માટે ખોરાક, પીણાં અને દારૂમાં ભેળસેળ કરનારાઓ સામે `હત્યાનો પ્રયાસ`નો આરોપ લગાવવાની માંગ કરી; સોશ્યલ મીડિયા પર વીડિયો પોસ્ટ કરીને દેખાડ્યો ગુસ્સો
રાકેશ બેદીની ફાઇલ તસવીર
‘ધુરંધર’ (Dhurandhar) ફેમ વરિષ્ઠ અભિનેતા રાકેશ બેદી (Rakesh Bedi)એ ભારતમાં ખોરાક, પીણાં અને દારૂમાં થતી ભેળસેળ અંગે ગંભીર ચિંતા વ્યક્ત કરી છે. મંગળવાર, ૧૧ ઓગસ્ટના રોજ પોતાના સોશિયલ મીડિયા (Social Media) એકાઉન્ટ્સ પર પોસ્ટ કરાયેલા એક વિડિયોમાં, અભિનેતાએ નાણાકીય લાભ માટે ખાદ્ય સુરક્ષા અને ગ્રાહકોના સ્વાસ્થ્ય સાથે ચેડાં કરનાર વ્યક્તિઓ તથા સંસ્થાઓ સામે કડક કાનૂની પગલાં - જેમાં હત્યાના પ્રયાસ (અટેમ્પ્ટ ટુ મર્ડર) ની કલમો હેઠળ ગુનો નોંધવાનો પણ સમાવેશ થાય છે, તે લેવાની માંગ કરી છે.
ખોરાકમાં ભેળસેળ અંગે ગંભીર ચિંતા વ્યક્ત કરી
ADVERTISEMENT
સોશિયલ મીડિયા પર પોતાના ફેન્સને સંબોધતા, ૬૯ વર્ષીય અભિનેતા રાકેશ બેદીએ નકલી અને ગુણવત્તાહીન ખાદ્યપદાર્થોને બજારોમાં વ્યાપકપણે વેચાવા દેતી નબળી નિયામક વ્યવસ્થા સામે સવાલો ઉઠાવ્યા હતા. ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયા (Food Safety and Standards Authority of India - FSSAI) ના તારણોનો ઉલ્લેખ કરતા રાકેશ બેદીએ નોંધ્યું હતું કે, ભારતમાં બનતા દારૂનો મોટો હિસ્સો અસલી કે કુદરતી રીતે તૈયાર કરવાને બદલે સિન્થેટિક અથવા સ્પિરિટ-આધારિત હોય છે.
રાકેશ બેદીએ ખેદ વ્યક્ત કર્યો હતો કે, ગ્રાહકો ભેળસેળયુક્ત અને જોખમી પ્રોડક્ટ્સ માટે વારંવાર પૂરી બજાર કિંમત ચૂકવી રહ્યા છે. તેમણે ભારપૂર્વક જણાવ્યું હતું ક। આ મુદ્દો માત્ર દારૂ પૂરતો સીમિત નથી, પરંતુ લાખો લોકો દ્વારા રોજિંદા જીવનમાં ઉપયોગમાં લેવાતા ખોરાક અને પીણાં સુધી વિસ્તરેલો છે.
View this post on Instagram
કડક ગુનાહિત કલમો અને સજાની માંગ
વર્તમાન ખાદ્ય સુરક્ષા કાયદાના અમલીકરણમાં કડકતાના અભાવની ટીકા કરતા અભિનેતા બેદીએ દલીલ કરી હતી કે જાણી જોઈને કરવામાં આવતી ભેળસેળને માત્ર સામાન્ય નિયમનકારી ઉલ્લંઘન કે વ્યાપારી છેતરપિંડી ગણવી જોઈએ નહીં. તેમણે જણાવ્યું હતું કે, વપરાશની વસ્તુઓમાં જાણી જોઈને ભેળસેળ કરવાથી માનવજીવન જોખમમાં મુકાય છે, તેથી ગુનેગારો સામે હત્યાના પ્રયાસ સમાન કલમો હેઠળ ગુનો નોંધવો જોઈએ.
બેદીએ વ્યાપકપણે થતી ભેળસેળને પકડવામાં તપાસ એજન્સીઓના મોડા પ્રતિસાદ સામે સવાલ ઉઠાવ્યા હતા અને નિયામકોને સમયાંતરે દરોડા પાડવાને બદલે સતત અને કડક તપાસ હાથ ધરવા વિનંતી કરી હતી.
રાજ્યવ્યાપી ભેળસેળ વિરોધી ઝુંબેશ વચ્ચે નિવેદન આવ્યું
બેદીનો આ વિડિયો એવા સમયે આવ્યો છે જ્યારે વરિષ્ઠ અધિકારીઓના નેતૃત્વ હેઠળ મહારાષ્ટ્રના વહીવટી સત્તાવાળાએ (Maharashtra Food and Drug Administration) કોમર્શિયલ હોટલો, ફૂડ પ્રોસેસિંગ પ્લાન્ટ્સ અને સ્થાનિક વિક્રેતાઓમાં રસોડાની સ્વચ્છતા, ભેળસેળયુક્ત કાચો માલ અને ખાદ્ય સુરક્ષાના ઉલ્લંઘન સામે રાજ્યવ્યાપી તપાસ અને કાર્યવાહી શરૂ કરી છે.
તાજેતરમાં હિટ ફિલ્મ `ધુરંધર`માં જોવા મળેલા અને `શ્રીમાન શ્રીમતી`, `યસ બોસ`, `ભાભીજી ઘર પર હૈ!` તથા `તારક મહેતા કા ઉલ્ટા ચશ્મા` જેવી ક્લાસિક ટેલિવિઝન સીરિયલ્સ માટે જાણીતા આ અભિનેતા પણ જાહેર સ્વાસ્થ્યની સુરક્ષા માટે માળખાકીય સુધારા અને કડક સજાની માંગ કરતા અગ્રણી વ્યક્તિઓની યાદીમાં જોડાયા છે.
