લાલબાગચા રાજા મુંબઈના સૌથી પ્રખ્યાત ગણેશ પંડાલોમાંનું એક છે. દર વર્ષે ગણેશોત્સવ દરમિયાન અહીં મોટી સંખ્યામાં ભક્તો ઉમટી પડે છે. બાપ્પાના આશીર્વાદ મેળવવા માટે લોકો માત્ર મુંબઈથી જ નહીં, પરંતુ મહારાષ્ટ્ર અને દેશભરના અન્ય ભાગોમાંથી પણ અહીં આવે છે.
શંખ અને ડમરુ વગાડી વિદ્યુત જામવાલે આરતી કરી
મુંબઈમાં અત્યંત ભક્તિમય વાતાવરણ વચ્ચે ગણેશ ચતુર્થી 2026 ની શરૂઆત થઈ. સોમવાર, 14 સપ્ટેમ્બરના રોજ મોટી સંખ્યામાં ભક્તો `લાલબાગચા રાજા`ના આશીર્વાદ માટે ઉમટી પડ્યા હતા. આ દરમિયાન, બૉલિવૂડ અભિનેતા અને માર્શલ આર્ટિસ્ટ વિદ્યુત જામવાલે પણ ગણપતિ બાપ્પાના દર્શન કરવા માટે લાલબાગચા રાજાના પંડાલની મુલાકાત લીધી હતી. વિદ્યુત જામવાલે બાપ્પાની આરતી કરી હતી. આ વિધિ દરમિયાન, તેણે શંખ અને ડમરુ વગાડ્યું હતા. તે પરંપરાગત સફેદ વસ્ત્રોમાં જોવા મળ્યો હતો. સવારે લગભગ 5 વાગ્યે યોજાયેલા સ્થાપના સમારોહ દરમિયાન તેની આ વિશેષ પ્રસ્તુતિનો એક વીડિયો સોશિયલ મીડિયા પર વાયરલ થઈ રહ્યો છે.
શંખ અને ડમરુ વગાડતો જોવા મળ્યો વિદ્યુત
ADVERTISEMENT
વીડિયોમાં વિદ્યુત જામવાલ ભક્તિમાં લીન જોવા મળ્યો હતો. તેણે શંખની સાથે ડમરુ પણ વગાડ્યું હતું. તેની આ રજૂઆતે ગણેશોત્સવની ઉજવણીના આધ્યાત્મિક વાતાવરણમાં એક અનોખો રંગ ઉમેર્યો હતો. વીડિયો વાયરલ થયા બાદ સોશિયલ મીડિયા પર તેની આ સ્ટાઈલ ચર્ચાનો વિષય બની હતી. વિદ્યુત જામવાલ તેની ઍક્શન ફિલ્મો અને માર્શલ આર્ટ્સ સ્કિલ્સ માટે જાણીતો છે; આ પ્રસંગે તેના વ્યક્તિત્વનું એક અલગ પાસું જોવા મળ્યું હતું. ધાર્મિક કાર્યક્રમોમાં શંખ અને ડમરુનું વિશેષ મહત્ત્વ છે. હિન્દુ પરંપરામાં ડમરુ ભગવાન શિવ સાથે જોડાયેલું છે, જ્યારે ધાર્મિક વિધિઓ દરમિયાન શંખ ફૂંકવો શુભ માનવામાં આવે છે.
View this post on Instagram
લાલબાગચા રાજાનો ગણેશોત્સવનું 93 મું વર્ષ
લાલબાગચા રાજા મુંબઈના સૌથી પ્રખ્યાત ગણેશ પંડાલોમાંનું એક છે. દર વર્ષે ગણેશોત્સવ દરમિયાન અહીં મોટી સંખ્યામાં ભક્તો ઉમટી પડે છે. બાપ્પાના આશીર્વાદ મેળવવા માટે લોકો માત્ર મુંબઈથી જ નહીં, પરંતુ મહારાષ્ટ્ર અને દેશભરના અન્ય ભાગોમાંથી પણ અહીં આવે છે. આ વર્ષે, લાલબાગચા રાજા સાર્વજનિક ગણેશોત્સવ મંડળ તેનો ૯૩મો ગણેશોત્સવ ઉજવી રહ્યું છે. 10 દિવસીય આ ઉત્સવની શરૂઆત 14 સપ્ટેમ્બરના રોજ થઈ હતી. આ વર્ષે પંડાલની સજાવટ મહાકાલેશ્વર મંદિરથી પ્રેરિત છે. બાપ્પાના દરબારને મહાદેવની થીમ પર આધારિત મંદિર જેવો દેખાવ આપવામાં આવ્યો છે. સજાવટમાં એક વિશાળ ત્રિશૂળનો પણ સમાવેશ કરવામાં આવ્યો છે. ગણેશ ચતુર્થીના પ્રથમ દિવસે સવારથી જ ભક્તોની ભીડ પંડાલમાં આવવા લાગી હતી.
વૈશ્વિક સ્તરે ડૅબ્યૂ કરતા પહેલા પંડાલની મુલાકાત
વિદ્યુત જામવાલ હાલમાં તેના વર્લ્ડ ડૅબ્યૂની તૈયારી કરી રહ્યો છે. તે `સ્ટ્રીટ ફાઇટર` ફિલ્મમાં `ધલસિમ`ની ભૂમિકા ભજવતો જોવા મળશે. આ દરમિયાન, તેણે 14 સપ્ટેમ્બરની સવારે `લાલબાગચા રાજા`ના દર્શન કર્યા હતા. ગણેશ ચતુર્થીના અવસરે શંખ અને ડમરુ વગાડવાની તેની પ્રસ્તુતિ આ વર્ષના ગણેશોત્સવની ઉજવણીનું મુખ્ય આકર્ષણ બની રહી હતી. તેની મુલાકાત અને પ્રસ્તુતિના વીડિયો હાલ સોશિયલ મીડિયા પર ટ્રેન્ડ થઈ રહ્યા છે.
