શાહરુખ આ વર્ષે માર્ચમાં પોતાનું શૂટિંગ પૂર્ણ કરશે
`જેલર 2`માં રજનીકાન્ત
શાહરુખ ખાન અને રજનીકાન્ત ‘જેલર 2’માં સાથે કામ કરી રહ્યા છે. હવે આ ફિલ્મમાં શાહરુખના પાત્ર વિશે પણ મહત્ત્વપૂર્ણ માહિતી સામે આવી છે. રિપોર્ટ્સ અનુસાર શાહરુખ ‘જેલર 2’માં એક પોલીસ-અધિકારીની ભૂમિકા ભજવતો જોવા મળશે. આ ફિલ્મ સાથે સંકળાયેલી વ્યક્તિએ આપેલી માહિતી પ્રમાણે ફિલ્મમાં શાહરુખનાં કેટલાંક જ દૃશ્યો બાકી છે અને તે આ વર્ષે માર્ચમાં પોતાનું શૂટિંગ ૭થી ૮ દિવસમાં પૂર્ણ કરશે, ત્યાર બાદ ફિલ્મનું શૂટિંગ પણ સમાપ્ત થઈ જશે.
મળતી માહિતી પ્રમાણે ફિલ્મમાં શાહરુખનો રોલ લાંબા કૅમિયો જેવો રહેશે અને તેનું પાત્ર મહત્ત્વપૂર્ણ અને યાદગાર રહેશે.
