પોતાની તસવીર ક્લિક કરી રહેલા ફોટોગ્રાફર્સને આંગળી દેખાડીને જયા બચ્ચને બરાબર ખખડાવ્યા
જયા બચ્ચન અને કરણ જોહર
મુંબઈમાં હાલમાં યોજાયેલી એક ઇવેન્ટ દરમ્યાન અભિનેત્રી જયા બચ્ચન ફરી એક વાર ફોટોગ્રાફર્સ સામે દેખાડેલા પોતાના ગુસ્સાને કારણે ચર્ચામાં આવ્યાં છે. ફંક્શનમાં બનેલી આ ઘટના દરમ્યાન કરણ જોહર પણ જયા બચ્ચન સાથે હતો. આ ઘટનાના વિડિયોમાં જોવા મળે છે કે ફોટોગ્રાફર્સ પોઝ આપવા માટે જયા બચ્ચનને ‘જયાજી, જયાજી’ કહીને બોલાવે છે. આ સાંભળીને જયા બચ્ચન અચાનક નારાજ થઈ જાય છે અને તેમને ‘ઇનફ, ઇનફ, ઇનફ’ કહીને અટકાવે છે. તેમના આ વર્તન પછી ફોટોગ્રાફર્સ શાંત થઈ જાય છે. આ પછી જયા બચ્ચન કરણ જોહર સાથે વાત કરે છે. આ વાતચીત વખતે કરણ જોહર હળવાશથી જયા બચ્ચનની પ્રશંસા કરતાં કહે છે કે જેન-ઝીથી લઈને ફોટોગ્રાફર્સ સુધી દરેક વ્યક્તિ તેમના માટે ઑબ્સેસ્ડ છે. આ સાંભળીને જયા બચ્ચન હસી પડે છે. આ પછી કરણ જોહર તેમને ગળે લગાવે છે અને તેઓ પણ પ્રેમથી પ્રતિસાદ આપે છે.
