બાંદરા-વેસ્ટના પૉશ વિસ્તારમાં આવેલી ‘સુપ્રીમ આર્ટવેદા’ નામની પ્રીમિયમ પ્રૉપર્ટીની લીઝ રિન્યુ કરી છે
જૉન એબ્રાહમ
જૉન એબ્રાહમની કંપની જે. એ. એન્ટરટેઇનમેન્ટ પ્રાઇવેટ લિમિટેડે બાંદરા-વેસ્ટના પૉશ વિસ્તારમાં આવેલી ‘સુપ્રીમ આર્ટવેદા’ નામની પ્રીમિયમ પ્રૉપર્ટીની લીઝ રિન્યુ કરી છે. દસ્તાવેજો મુજબ આ પ્રૉપર્ટી માટે દર મહિને ૧૨ લાખ રૂપિયાનું ભાડું નક્કી કરવામાં આવ્યું છે અને આ કૉન્ટ્રૅક્ટ બે વર્ષ માટે છે. દસ્તાવેજો અનુસાર આ લીઝ ૬ ફેબ્રુઆરીએ રિન્યુ કરવામાં આવી હતી. અગાઉ ૨૦૨૩માં આ જ પ્રૉપર્ટી ૧૧ લાખ રૂપિયા પ્રતિ મહિના ભાડે લેવામાં આવી હતી.
આ પ્રૉપર્ટીનો કાર્પેટ વિસ્તાર ૩૧૫૮ સ્ક્વેર ફુટ છે. આ સાથે જ ૯૭.૬૨ સ્ક્વેર ફુટનો બાલ્કની વિસ્તાર ઉમેરતાં કુલ વિસ્તાર ૩૨૫૫.૬૨ સ્ક્વેર ફુટ થાય છે. લેટેસ્ટ કૉન્ટ્રૅક્ટ મુજબ કુલ ડિપૉઝિટ ૬૬ લાખ રૂપિયા રાખવામાં આવી છે. આ સાથે જ ૧૨ મહિના બાદ ભાડું વધારીને ૧૨.૫ લાખ રૂપિયા પ્રતિ મહિના કરવામાં આવશે.
