સૈફ અલી ખાન અને કિઆરા અડવાણી પહેલી વાર સાથે સ્ક્રીન શૅર કરશે. બન્ને સુપરનૅચરલ તત્ત્વ ધરાવતી ઇન્ટેન્સ થ્રિલર ફિલ્મમાં જોવા મળશે, જેને કનિકા ઢિલ્લોં ડિરેક્ટ કરશે. ફિલ્મનું શૂટિંગ આ વર્ષના અંતમાં શરૂ થવાની શક્યતા છે.
સૈફ અલી ખાન અને કિયારા અડવાણી
સૈફ અલી ખાન અને કિઆરા અડવાણી પહેલી વાર એકસાથે સ્ક્રીન શૅર કરવા જઈ રહ્યાં છે. રિપોર્ટ પ્રમાણે બન્ને એક સુપરનૅચરલ તત્ત્વ ધરાવતી ઇન્ટેન્સ થ્રિલર ફિલ્મમાં જોવા મળશે. હજુ સુધી ફિલ્મનું ટાઇટલ નક્કી કરવામાં આવ્યું નથી. આ પ્રોજેક્ટમાં લેખિકા-નિર્માતા કનિકા ઢિલ્લોં પહેલી વાર ડિરેક્ટર તરીકે જોવા મળશે. મળતી માહિતી પ્રમાણે ફિલ્મ હાલમાં સ્ક્રિપ્ટિંગ સ્ટેજમાં છે અને ટીમ એના બન્ને મુખ્ય કલાકારોને ધ્યાનમાં રાખીને સ્ટોરી તૈયાર કરી રહી છે. મેકર્સ આ વર્ષના અંતમાં ફિલ્મનું શૂટિંગ શરૂ કરવાની યોજના બનાવી રહ્યા હોવાનું કહેવાય છે.
મેકર્સ ફિલ્મની સ્ટોરી અને એમાં રહેલા સુપરનૅચરલ તત્ત્વને હાલમાં સીક્રેટ રાખી રહ્યા છે. જોકે સૈફ અને કિઆરાની નવી જોડી આ પ્રકારની ફિલ્મમાં એક નવી ફ્રેશનેસ લાવી શકે છે.
