ફિલ્મની ટીમે સોશ્યલ મીડિયા પર નિવેદન જાહેર કરીને ટ્રેલર-લૉન્ચ રદ થવાની જાણકારી આપી હતી
ડેવિડ ધવનની ‘હૈ જવાની તો ઇશ્ક હોના હૈ’માં વરુણ ધવન, મૃણાલ ઠાકુર અને પૂજા હેગડે મુખ્ય ભૂમિકામાં છે
ડેવિડ ધવનની ‘હૈ જવાની તો ઇશ્ક હોના હૈ’માં વરુણ ધવન, મૃણાલ ઠાકુર અને પૂજા હેગડે મુખ્ય ભૂમિકામાં છે. ગઈ કાલે ફિલ્મના નિર્માતાઓએ મુંબઈમાં ટ્રેલર-લૉન્ચ ઇવેન્ટ યોજવાનું પ્લાનિંગ કર્યું હતું, પરંતુ ટેક્નિકલ સમસ્યાના કારણે આ ઇવેન્ટ રદ કરવામાં આવી તેમ જ ફિલ્મનું ટ્રેલર ઑનલાઇન પણ રિલીઝ કરવામાં આવશે નહીં એવી માહિતી સામે આવી છે.
ફિલ્મની ટીમે સોશ્યલ મીડિયા પર નિવેદન જાહેર કરીને ટ્રેલર-લૉન્ચ રદ થવાની જાણકારી આપી હતી અને કહ્યું હતું કે ‘અમે દિલગીર છીએ કે આજે યોજાનાર ‘હૈ જવાની તો ઇશ્ક હોના હૈ’ની ટ્રેલર-લૉન્ચ ઇવેન્ટ અનિચ્છનીય ટેક્નિકલ મુશ્કેલીઓના કારણે રદ કરવામાં આવી છે. આથી થયેલી અસુવિધા માટે અમે દિલથી માફી માગીએ છીએ અને આપના સતત સહકાર તથા સમજ માટે આભારી છીએ. અમે ટૂંક સમયમાં ટ્રેલર તમારી સાથે શૅર કરવા આતુર છીએ. થિયેટરમાં મળીશું.’
