WAVES એડવાઈઝરી બોર્ડમાં સામેલ કરવા બદલ અનિલ કપૂર, અનુપમ ખેર, ચિરંજીવી, એકતા કપૂરે માન્યો પીએમનો આભાર

WAVES Advisory Board: અનિલ કપૂર, અનુપમ ખેર, ચિરંજીવી અને એકતા કપૂરે WAVES એડવાઈઝરી બોર્ડમાં સ્થાન માટે પીએમ મોદીનો આભાર માન્યો. આ સમિટ ભારતની ક્રિએટિવ અને ડિજિટલ ઈકોનોમીને આગળ વધારશે.

વર્ચ્યુઅલ WAVES સમિટ દરમિયાન પીએમ મોદીએ કરી ફિલ્મ ઇન્ડસ્ટ્રીના દિગ્ગજો સાથે ચર્ચા

વડા પ્રધાન નરેન્દ્ર મોદીએ શુક્રવાર સાંજે WAVE (World Audio Visual Entertainment Summit) સમિટ એડવાઈઝરી બોર્ડ મીટિંગમાં વિશ્વની અને ભારતની પ્રેરણાદાયી હસ્તીઓ સાથે વર્ચ્યુઅલ સંવાદ કર્યો. આ બેઠકમાં ટેક્નોલૉજી (Technology), બિઝનેસ (Business) અને ફિલ્મ ઈન્ડસ્ટ્રીના અનેક દિગ્ગજો જોડાયા હતા. તેમાં સુન્દર પિચાઈ, સત્ય નડેલા, મુકેશ અંબાણી, આનંદ મહિન્દ્રા, અમિતાભ બચ્ચન, શાહરુખ ખાન, ચિરંજીવી, મોહનલાલ, રજનીકાન્ત, આમિર ખાન, એ.આર. રહેમાન, અક્ષય કુમાર, એકતા આર. કપૂર, રણબીર કપૂર અને દીપિકા પાદુકોણ જેવા જાણીતાં નામો સામેલ હતાં.

Thank you Prime Minister @narendramodi ji for giving me the great opportunity to be on the advisory board of WAVES! It is an amazing initiative. It will positively make India - the global entertainment hub. Listening to your vision and the participation of other distinguished… https://t.co/vdJ7KziEOD

— Anupam Kher (@AnupamPKher) February 8, 2025

ADVERTISEMENT

આ બેઠકનો મુખ્ય ઉદ્દેશ ભારતના ઇનોવેશન અને ક્રિએટિવ ઇન્ડસ્ટ્રીને વધુ મજબૂત બનાવવાનો હતો. WAVE સમિટ એક એવું મંચ છે, જે વિવિધ ઉદ્યોગોના વિચારકોને એકસાથે લાવી ક્રૉસ-ઇન્ડસ્ટ્રી કૉલેબરેશનને પ્રોત્સાહન આપે છે. આ સમિટ દ્વારા ભારતની ડિજિટલ અને ક્રિએટિવ ઇકોનોમીને વધુ પ્રગતિશીલ બનાવવાનો પ્રયાસ કરવામાં આવ્યો છે. ખાસ કરીને, દેશના ટેક્નોલોજિકલ અને કલ્ચરલ ઇન્ફ્લ્યુએન્સને (Influence) વૈશ્વિક સ્તરે વધુ વિસ્તૃત કરવાની દિશામાં આ સમિટ મહત્ત્વપૂર્ણ બનશે.

પીએમ મોદીએ આ બેઠક દરમિયાન રાષ્ટ્રીય વિકાસ અને ગ્લોબલ કમ્યુનિટી સાથે ભારતના સહકારને મજબૂત બનાવવાના મહત્ત્વ પર ભાર મૂક્યો. તેમણે કહ્યું કે WAVE (વર્લ્ડ ઑડિયો વિઝ્યુલ એન્ટરટેઇન્મેન્ટ સમિટ) સમિટ ભારતને વિશ્વમાં નવી ઊંચાઈઓ પર લઈ જવામાં મહત્ત્વપૂર્ણ ભૂમિકા ભજવી શકે છે. તેમણે એ પણ ઉમેર્યું કે, આ મંચ ભારતના એન્ટરટેઇન્મેન્ટ (Entertainment) અને ટેક્નોલૉજી ઉદ્યોગ માટે નવી તકો ઉભી કરશે.

It`s an honor to be a part of the Advisory Board of WAVES and have the opportunity to contribute to this incredible initiative. We had a very insightful discussions with fellow members and we look forward to working towards making India a global entertainment hub!@narendramodi… https://t.co/OWgSkhhiqJ

— Anil Kapoor (@AnilKapoor) February 8, 2025

પ્રધાનમંત્રી નરેન્દ્ર મોદીએ આ બેઠક સફળ થતાં આનંદ વ્યક્ત કર્યો અને કહ્યું કે તમામ દિગ્ગજોએ આ પહેલને સંપૂર્ણ સમર્થન આપ્યું છે. બેઠક દરમિયાન કેટલાક મહત્ત્વપૂર્ણ માર્ગદર્શન આપવામાં આવ્યા જેની મદદથી ભારતને વૈશ્વિક એન્ટરટેઇન્મેન્ટ હબ તરીકે વધુ મજબૂત બનાવી શકાય. વિવિધ ઉદ્યોગોના પ્રભાવશાળી લોકોએ પોતાનો મત વ્યકત કર્યો, જેનાથી દેશની ડિજિટલ અને ક્રિએટિવ ઈન્ડસ્ટ્રીને ઝડપી વિકાસ માટે નવી તકો મળી શકે. પીએમ મોદીની આ પહેલને મનોરંજનની દુનિયામાં ભારતને વૈશ્વિક ઓળખ અપાવવાની દિશામાં એક મોટું પગલું માનવામાં આવી રહ્યું છે.

Thank you, Hon’ble PM Narendra Modi Ji, for your continued support towards our industry and in making WAVES a global summit.

Your vision for India as a global entertainment hub is inspiring. We`re extremely excited to contribute and be a part of this journey. https://t.co/00dsmMbCYM

— Ektaa R Kapoor (@EktaaRKapoor) February 8, 2025

આ બેઠક પછી, ફિલ્મ જગતની ઘણી હસ્તીઓએ પીએમ મોદીનો આભાર માન્યો છે. અનિલ કપૂર, અનુપમ ખેર, ચિરંજીવી અને એકતા કપૂરે કહ્યું કે તેઓ WAVES એડવાઈઝરી બોર્ડનો ભાગ બનવા માટે ગર્વ અનુભવે છે અને તેઓ ભારતની ક્રિએટિવ (Creative) અને ડિજિટલ (Digital) ઇકૉનોમી માટે યોગદાન આપતાં રહેશે. 

આ મીટિંગમાં થયેલા નિર્ણયો આગામી વર્ષોમાં ભારતના ડિજિટલ, ટેક્નોલૉજિકલ અને મનોરંજન ઉદ્યોગ માટે મહત્ત્વપૂર્ણ સાબિત થશે. WAVE સમિટ ભારતના વૈશ્વિક નેતૃત્વને વધુ મજબૂત બનાવવાનો પ્રયત્ન કરી રહી છે, જે દેશ માટે એક મહત્ત્વપૂર્ણ તબક્કો સાબિત થઈ શકે છે.