° °

આજનું ઇ-પેપર
Friday, 06 August, 2021


‘રક્ષાબંધન’ દ્વારા મિલન થયું ‘રાંઝણા’ અને ‘મનમર્ઝિયાં’ના લેખકનું

11 June, 2021 12:24 PM IST | Mumbai | Gujarati Mid-day Correspondent

આનંદ એલ.રાયની આ ફિલ્મને નૅશનલ અવોર્ડ વિનર હિમાંશુ શર્મા અને કનિકા ઢિલ્લોં દ્વારા લખવામાં આવી છે

કનિકા ઢિલ્લોં અને હિમાંશુ શર્મા

કનિકા ઢિલ્લોં અને હિમાંશુ શર્મા

‘રાંઝણા’ અને ‘મનમર્ઝિયાં’ના લેખક મળીને અક્ષયકુમાર અને ભૂમિ પેડણેકરની ‘રક્ષાબંધન’ની સ્ક્રિપ્ટ પર કામ કર્યું છે. નૅશનલ અવૉર્ડ વિનર લેખક હિમાંશુ શર્માએ ‘તનુ વેડ્સ મનુ’ સિરીઝ અને ‘રાંઝણા’ જેવી ફિલ્મો લખી છે. હિમાંશુએ પહેલી વાર કોઈ અન્ય લેખક સાથે મળીને ફિલ્મમાં કામ કર્યું છે. તેની સાથે આ ફિલ્મમાં કનિકા ઢિલ્લોંએ કામ કર્યું છે. કનિકાએ પણ ‘મનમર્ઝિયાં’, ‘કેદારનાથ’ અને ‘જજમેન્ટલ હૈ ક્યા’ જેવી ફિલ્મો લખી છે. તેમના દ્વારા લખવામાં આવેલી ફિલ્મને આનંદ એલ. રાય ડિરેક્ટ કરશે. આ ફિલ્મની જાહેરાત અક્ષયકુમારે ગયા વર્ષે રક્ષાબંધન પર કરી હતી, જેની હિરોઇન હાલમાં જ નક્કી કરવામાં આવી છે. આ વિશે હિમાંશુ શર્માએ કહ્યું હતું કે ‘આ પહેલી વખત એવું બન્યું છે કે હું કોઈ કો-રાઇટર સાથે મળીને કામ કરી રહ્યો છું. હું કનિકા જેવી પ્રતિભાશાળી વ્યક્તિ સાથે કામ કરવા માટે પોતાને ભાગ્યશાળી માનું છું. તેના વિચાર ખૂબ જ અદ્ભુત છે. તેનું કામ હંમેશાં વિવિધતાથી ભરેલું છે જે મને ખૂબ જ પસંદ છે. મને આશા છે કે ‘રક્ષાબંધન’માં અમે અમારું સર્વશ્રેષ્ઠ આપીશું.’

આ વિશે કનિકાએ કહ્યું હતું કે ‘આ ખૂબ જ ખાસ સ્ટોરી છે અને મેં પહેલી વાર હિમાંશુ સાથે કામ કર્યું છે. હિન્દી સિનેમાના બદલાવમાં તેણે મહત્ત્વની ભૂમિકા ભજવી છે. હું તેની સાથે કામ કરવા માટે નર્વસ છું, પરંતુ ઉત્સાહી પણ છું. અમને આશા છે કે અમે એક એવી સ્ટોરી લઈને આવીશું જે દરેક ભાઈ અને બહેનના દિલને સ્પર્શ કરી જાય.’

11 June, 2021 12:24 PM IST | Mumbai | Gujarati Mid-day Correspondent

અન્ય લેખો

બૉલિવૂડ સમાચાર

Olympicમાં ઈઝરાયેલી તરવૈયાઓનો માધુરી દિક્ષીતના `આજા નચલે` ગીત પર ડાન્સ

ઓલિમ્પિક દરમિયાન એક ઇઝરાયલી તરવૈયાએ ​​દરેકનું ધ્યાન ખેંચ્યું હતું. ઇઝરાયલી તરવૈયાઓ એડન બ્લેચર અને શેલી બોબ્રીત્સ્કીએ મંગળવારે માધુરી દીક્ષિતના ગીત `આજા નચ લે` પર ડાન્સ કરતાં કરતાં તરવા ગયા હતા.

05 August, 2021 01:25 IST | mumbai | Gujarati Mid-day Online Correspondent
બૉલિવૂડ સમાચાર

Tokyo olympic: કિંગ ખાન સહિત બૉલિવૂડ સેલેબ્સે હૉકી ટીમને પાઠવ્યા અભિનંદન

 ભારતીય પુરુષ હૉકી ટીમની આ સિદ્ધિ પર વડાપ્રધાનથી લઈ બૉલિવૂડ સ્ટાર્સ અભિનંદન પાઠવી રહ્યાં છે.

05 August, 2021 12:45 IST | mumbai | Gujarati Mid-day Online Correspondent
બૉલિવૂડ સમાચાર

સિનેમા હૉલ્સ અને ડિજિટલ પ્લૅટફૉર્મનું પોતાનું અસ્તિત્વ છે : શ્રેયસ તલપડે

મને લાગે છે કે ડિજિટલ પ્લૅટફૉર્મ્સને પણ લોકો સાથે-સાથે અપનાવી રહ્યા છે. એની હવે લોકોની ટેવ પડી ગઈ છે. શું સિનેમા હૉલ્સ ઊઘડી જશે તો પણ ડિજિટલ પ્લૅટફૉર્મ્સનો જાદુ જળવાઈ રહેશે?

05 August, 2021 12:42 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK