નસીરુદ્દીન શાહ બનશે જે.આર.ડી. તાતા

ઍમૅઝૉન પ્રાઇમની આગામી વેબ-સિરીઝ મેડ ઇન ઇન્ડિયા: અ ટાઇટન સ્ટોરીમાં આ દમદાર પાત્ર ભજવવાની તક મળી છે

જે.આર.ડી. તાતા

પ્રતિભાશાળી ઍક્ટર નસીરુદ્દીન શાહ ઍમૅઝૉન પ્રાઇમ વિડિયો માટેની એક સિરીઝ ‘મેડ ઇન ઇન્ડિયા-અ ટાઇટન સ્ટોરી’માં જે.આર.ડી. તાતાની ભૂમિકા ભજવવા માટે તૈયાર છે. આ સિરીઝનું ડિરેક્શન રોબી ગ્રેવાલ દ્વારા કરવામાં આવશે. આ સિરીઝ એક છ ભાગની વેબ સિરીઝ છે અને એ વિનય કામથના બેસ્ટ-સેલિંગ પુસ્તક ‘ટાઇટન: ઇનસાઇડ ઇન્ડિયાઝ મોસ્ટ સક્સેસફુલ કન્ઝ્યુમર બ્રૅન્ડ’ પર આધારિત છે.

ADVERTISEMENT

આ સિરીઝ ટાઇટન કંપનીની શરૂઆતથી લઈને ભારતની સૌથી આઇકૉનિક બ્રૅન્ડ બનવાની સફરને દર્શાવે છે. આ સિરીઝમાં નસીરુદ્દીન શાહ ટાઇટન ઇન્ડસ્ટ્રીઝના સ્થાપક જે.આર.ડી. તાતાની ભૂમિકા ભજવશે, જ્યારે જિમ સરભ ટાઇટન કંપનીના પ્રથમ મૅનેજિંગ ડિરેક્ટરનું પાત્ર ભજવશે. આ સિરીઝનું ડિરેક્શન રોબી ગ્રેવાલ દ્વારા કરવામાં આવ્યું છે અને એનું નિર્માણ ઑલમાઇટી મોશન પિક્ચર અને ટી-સિરીઝ ફિલ્મ્સ દ્વારા કરવામાં આવ્યું છે.