અહેવાલો અનુસાર, મૃતક, 36 વર્ષીય પ્રદીપ સિંહે તેના મકાનમાલિકને ફરિયાદ કરી હતી કે બીજા ભાડૂઆત, સુરેશ ઠક્કર, આગલી રાત્રે મોટેથી સંગીત વગાડી રહ્યો હતો. બાદમાં, મકાનમાલિક સુરેશ ઠક્કર પાસે ગયો અને તેને ઠપકો આપ્યો, જેના કારણે બન્ને વચ્ચે ઉગ્ર બોલાચાલી થઈ.
પ્રતિકાત્મક ફાઇલ તસવીર
ગુજરાતના અમદાવાદના બાવલા વિસ્તારમાં એક ન જેવી ઘટનામાં લોહિયાળ ઝઘડો થયો હોવાનો કિસ્સો સામે આવ્યો છે. મોટેથી સંગીત વગાડવાને લઈને થયેલા વિવાદમાં એક ભાડૂઆતનું મોત થયું છે. ભાડૂઆતે મકાનમાલિકને છરી મારીને હત્યા કરી દીધી. આ ઘટના બાવલાના શ્યામ કૉમ્પ્લેક્સમાં આવેલી આસોલપાલવ સોસાયટીમાં મોડી રાત્રે બની હતી. પોલીસે સીસીટીવી ફૂટેજના આધારે આ મામલાની તપાસ શરૂ કરી છે.
શું છે સંપૂર્ણ ઘટના?
ADVERTISEMENT
અહેવાલો અનુસાર, મૃતક, 36 વર્ષીય પ્રદીપ સિંહે તેના મકાનમાલિકને ફરિયાદ કરી હતી કે બીજા ભાડૂઆત, સુરેશ ઠક્કર, આગલી રાત્રે મોટેથી સંગીત વગાડી રહ્યો હતો. બાદમાં, મકાનમાલિક સુરેશ ઠક્કર પાસે ગયો અને તેને ઠપકો આપ્યો, જેના કારણે બન્ને વચ્ચે ઉગ્ર બોલાચાલી શરૂ થઈ, દરમિયાન ગુસ્સે ભરાયેલા સુરેશ ઠક્કરે તેને છાતીમાં બે વાર છરી મારી તેની હત્યા કરી દીધી. મકાનમાલિકને તાત્કાલિક પ્રાથમિક સારવાર માટે બાવલાની એક ખાનગી હૉસ્પિટલમાં લઈ જવામાં આવ્યો, પરંતુ તે રાત્રે કોઈ ડૉક્ટર ઉપલબ્ધ ન હોવાથી, તેને બોપલની સરસ્વતી હૉસ્પિટલમાં લઈ જવામાં આવ્યો, જ્યાં તેનું મૃત્યુ થયું. ઘટનાની માહિતી મળતાં, પોલીસ કાફલો ઘટનાસ્થળે પહોંચ્યો અને મૃતકના પરિવાર તરફથી ફરિયાદ મળ્યા બાદ, મૃતદેહને પોસ્ટમોર્ટમ માટે મોકલી આપ્યો. પોસ્ટમોર્ટમ પછી મૃતદેહ પરિવારને સોંપવામાં આવશે. પોલીસે હાલમાં સીસીટીવી ફૂટેજના આધારે આ મામલાની તપાસ શરૂ કરી છે.
ગુજરાતમાં SIRની કામગીરીમાં રોકાયેલા વધુ એક BLOનું મોત
ગુજરાતમાં ચાલી રહેલી મતદારયાદી માટેની સ્પેશ્યલ ઇન્ટેન્સિવ રિવિઝન (SIR)ની કામગીરી દરમ્યાન વધુ એક શિક્ષકનું મોત થયું છે. ઉત્તર ગુજરાતના મહેસાણા જિલ્લાના સતલાસણા તાલુકામાં આવેલા સુદાસણા ગામની પ્રાથમિક કન્યાશાળાના શિક્ષક અને બૂથ લેવલ ઑફિસર (BLO)ની કામગીરીમાં જોડાયેલા દિનેશ રાવળને ગુરુવારે મોડી રાતે હાર્ટ-અટૅક આવતાં તેમનું મોત થયું હતું. વધુ એક શિક્ષકના મૃત્યુથી શિક્ષણજગતમાં શોક ફેલાઈ ગયો છે અને કામના દબાણ સામે રોષ ફેલાયો છે. આ શિક્ષકના મૃત્યુ સાથે ગુજરાતમાં SIRની કામગીરીમાં જોડાયેલા કુલ પાંચ લોકોનાં મૃત્યુ થયાં છે.
સુદાસણા ગામની શાળામાં કામ કરતા શિક્ષક દિનેશ રાવળ SIRની કામગીરીમાં જોડાયા હતા. ગુરુવારે રાતે તેઓ આ કામગીરી કરી રહ્યા હતા ત્યારે તેમને છાતીમાં દુખાવો ઊપડતાં સારવાર માટે વડનગરની હૉસ્પિટલમાં લઈ જવામાં આવ્યા હતા, પરંતુ તેમનું મોત થયું હતું. તેમના મૃત્યુથી શાળા તેમ જ ગામમાં સોપો પડી ગયો હતો. ગુજરાત કૉંગ્રેસના પ્રવક્તા ડૉ. મનીષ દોશીએ આક્ષેપ કરતાં કહ્યું હતું કે ‘ગુજરાતમાં અત્યાર સુધીમાં SIRની કામગીરી કરી રહેલા પાંચ જણનાં નિધન થયાં છે. એક BLOએ મરણચિઠ્ઠી લખીને આપઘાત કર્યો હતો. કામનું અતિશય ભારણ, મૌખિક સૂચના, નેટ ચાલે નહીં અને પારાવાર તકલીફો અંગેની હકીકતોની જાણ છતાં તંત્ર દ્વારા ગંભીર મૌન અને કામ માટે દબાણને કારણે લોકો જીવ ગુમાવી રહ્યા છે. સરકાર અને ચૂંટણીતંત્ર જાગે અને આવા બનાવ ન બને એ માટે વ્યવસ્થા કરવાની અમે માગણી કરીએ છીએ.’
