વિરાર-દહાણુ વચ્ચે ૧૫ કોચવાળી લોકલ ટ્રેનો શરૂ થાય તો ટ્રેનોમાં મુસાફરોની ક્ષમતા ૨૦થી ૨૫ ટકા વધશે.
પ્રતીકાત્મક તસવીર
વેસ્ટર્ન રેલવેના વિરાર-દહાણુ રોડ રૂટ પર પહેલી વાર ૧૫ કોચવાળી લોકલ ટ્રેનો દોડશે. નવા વર્ષમાં લાગુ થનારા ટાઇમટેબલમાં ૧૫ કોચની ટ્રેનની ૬ ટ્રિપનો સમાવેશ થાય એવી શક્યતા છે. ઉપરાંત ચર્ચગેટ-વિરાર વચ્ચે AC ટ્રેનોની સંખ્યામાં પણ વધારો કરવામાં આવશે. વર્ષોથી ઑક્ટોબરમાં સુધારેલું રેલવે ટાઇમટેબલ જાહેર કરવામાં આવે છે, પરંતુ આ વર્ષે એનો અમલ જાન્યુઆરીમાં કરવામાં આવશે. મેલ અને એક્સપ્રેસ ટ્રેનોનું ટાઇમટેબલ પહેલી જાન્યુઆરીથી લાગુ કરવામાં આવશે, જ્યારે લોકલ ટ્રેનનું ટાઇમટેબલ માર્ચ અથવા એપ્રિલમાં લાગુ કરવામાં આવશે.
વિરાર-દહાણુ વચ્ચે ૧૫ કોચવાળી લોકલ ટ્રેનો શરૂ થાય તો ટ્રેનોમાં મુસાફરોની ક્ષમતા ૨૦થી ૨૫ ટકા વધશે. નવી AC લોકલ ટ્રેનો જો જાન્યુઆરી ૨૦૨૬ સુધીમાં ઉપલબ્ધ થશે તો નૉન-AC લોકલ ટ્રેનોને બદલે AC લોકલ ટ્રેનો ચલાવવામાં આવે એવી શક્યતા છે.
