° °

આજનું ઇ-પેપર
Monday, 25 October, 2021


છેવટે કચ્છ પર પણ મેહુલિયો મહેરબાન

24 September, 2021 11:32 AM IST | Ahmedabad | Shailesh Nayak

નખત્રાણામાં ૪ ઇંચ જેટલો વરસાદ : જોકે જામનગરના જોડિયામાં મેઘરાજા ત્રાટકતાં સાડાસાત ઇંચ વર્ષા થઈ

તાજેતરમાં જ સરકારની એમજીઆરઇજીએ સ્કીમ હેઠળ બનેલો ચેકડૅમ ગઈ કાલના એક દિવસના મુશળધાર વરસાદને કારણે છલકાઈ ગયો હતો.

તાજેતરમાં જ સરકારની એમજીઆરઇજીએ સ્કીમ હેઠળ બનેલો ચેકડૅમ ગઈ કાલના એક દિવસના મુશળધાર વરસાદને કારણે છલકાઈ ગયો હતો.

લાંબા સમય બાદ ગઈ કાલે ગુજરાતના કચ્છમાં વરસાદ પડ્યો હતો જેમાં નખત્રાણામાં ૯૩ મિ.મી. એટલે કે ચાર ઇંચ જેટલો વરસાદ પડ્યો હતો. ગુજરાતમાં અને ખાસ કરીને સૌરાષ્ટ્રમાં ભારે વરસાદ થયા પછી હવે મેઘરાજાઅે કચ્છની પ્રજાને ખુશખુશાલ કરી દીધી છે.
જોકે ગઈ કાલે ગુજરાતમાં સાંજે ૬ વાગ્યા સુધીમાં સૌથી વધુ વરસાદ જામનગર જિલ્લાના જોડિયામાં પડ્યો હતો જ્યાં ૧૮૮ મિ.મી. એટલે કે સાડાસાત ઇંચ વર્ષા થઈ હતી.
ગઈ કાલે કચ્છ જિલ્લામાં તમામ તાલુકાઓમાં હળવાથી ભારે વરસાદ પડ્યો હતો. અંજારમાં ૭૬ મિ.મી. એટલે કે ૩ ઇંચથી વધુ, રાપરમાં અઢી ઇંચથી વધુ, લખપતમાં એક ઇંચથી વધુ અને ભુજ તાલુકામાં એક ઇંચ વરસાદ પડ્યો હતો. આ ઉપરાંત ગાંધીધામ, મુંદ્રા, અબડાસા અને ભચાઉમાં હળવો વરસાદ પડ્યો હતો.
જામનગર જિલ્લાના જોડિયા તાલુકામાં જે સાડાસાત ઇંચથી વધુ વરસાદ પડ્યો હતો અેમાં સવારે ૬થી ૮ વાગ્યાના બે કલાકમાં પાંચ ઇંચથી વધુ વરસાદ પડ્યો હતો. નવસારી જિલ્લાના ગણદેવી, સુરતના ઉમરપાડા અને નવસારીના ચીખલીમાં ત્રણ ઇંચથી વધુ વરસાદ પડ્યો હતો. ગઈ કાલે ગુજરાતના ૩૭ તાલુકાઓમાં એક ઇંચથી સાડાસાત ઇંચ વરસાદ પડ્યો હતો. સાંજે ૬ વાગ્યા સુધીમાં રાજ્યના કુલ ૧૩૨ તાલુકાઓમાં વરસાદ નોંધાયો હતો.

24 September, 2021 11:32 AM IST | Ahmedabad | Shailesh Nayak

અન્ય લેખો

ગુજરાત સમાચાર

ગીરસોમનાથમાં આઇવીએફ ટેક્નિકથી બન્ની પ્રજાતિની ભેંસના વાછરડાનો જન્મ

દૂધનું ઉત્પાદન વધારવા માટે આનુવંશિક રીતે શ્રેષ્ઠ ભેંસોની સંખ્યા વધારવા માટે આ પ્રક્રિયા હાથ ધરવામાં આવી

24 October, 2021 07:46 IST | Ahmedabad | Gujarati Mid-day Correspondent
ગુજરાત સમાચાર

સંકલનના અભાવે ૧૦૦ કરોડનું દાન અટવાયું

૧૩ ઑગસ્ટે દાતાનું નામ ગુપ્ત રાખીને નીતિન પટેલ દ્વારા કાર્યક્રમમાં અમદાવાદ સિવિલ હૉસ્પિટલમાં આવેલી કિડની ઇન્સ્ટિટ્યૂટને દાનની જાહેરાત કરી હતી

24 October, 2021 07:44 IST | Ahmedabad | Gujarati Mid-day Correspondent
ગુજરાત સમાચાર

ધક્કામુક્કીમાં છૂટી પડેલી દીકરીનું પોલીસે મમ્મી સાથે કરાવ્યું અંતે મિલન

વડોદરામાં પ્રધાનમંત્રી આવાસ યોજનાનાં ફૉર્મ લેવા માટે ધક્કામુક્કી થઈ જેમાં દીકરી માતાથી વિખૂટી પડી ગઈ હતી, પોલીસે મમ્મી સુધી પહોંચાડી

21 October, 2021 09:19 IST | Vadodara | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK