પાકિસ્તાનના રક્ષાપ્રધાન ખ્વાજા આસિફે બુધવારે સંસદમાં કહ્યું હતું કે અમેરિકાએ પોતાના ફાયદા માટે પાકિસ્તાનનો ઉપયોગ કર્યો
પાકિસ્તાનના રક્ષાપ્રધાન ખ્વાજા આસિફ
પાકિસ્તાનના રક્ષાપ્રધાન ખ્વાજા આસિફે બુધવારે સંસદમાં કહ્યું હતું કે અમેરિકાએ પોતાના ફાયદા માટે પાકિસ્તાનનો ઉપયોગ કર્યો અને કામ પતી ગયા પછી ટૉઇલેટ-પેપરની જેમ ફેંકી દીધું. તેમણે કહ્યું હતું કે ‘આપણે અફઘાનિસ્તાન સામે બે યુદ્ધ લડ્યા, ઇસ્લામ અને મજહબના નામે ભાગ લીધો; પરંતુ અસલમાં બે સૈન્ય તાનાશાહો (ઝિયા-ઉલ-હક અને પરવેઝ મુશર્રફ)એ વૈશ્વિક તાકાતનું સમર્થન મેળવવા આમ કર્યું હતું. પાકિસ્તાને તાલિબાન સામે અમેરિકાને સાથ આપ્યો. એ પછી અમેરિકા તો અફઘાનિસ્તાનમાંથી નીકળી ગયું, પરંતુ પાકિસ્તાને લાંબા સમય સુધી હિંસા, કટ્ટરપંથ અને આર્થિક દબાવ વેઠવો પડ્યો. આપણે એની ભારે કિંમત ચૂકવી છે.’
