ઇમૅન્યુઅલ મૅક્રૉન એ વખતે રાષ્ટ્રપતિભવનમાં હતા
સિરિયા
સિરિયાની રાજધાની દમાસ્કસમાં મંગળવારે ફ્રાન્સના પ્રમુખ ઇમૅન્યુઅલ મૅક્રૉન રોકાયા હતા અે ફોર સીઝન્સ હોટેલની નજીક બે પ્રચંડ બૉમ્બધડાકા થતાં વૈશ્વિક સ્તરે ખળભળાટ મચી ગયો છે. આ વિસ્ફોટકો હોટેલ નજીકના કચરાના ડબ્બામાં અને એક વાહનમાં ગોઠવવામાં આવ્યા હતા. સદ્ભાગ્યે બ્લાસ્ટ સમયે પ્રમુખ મૅક્રૉન સિરિયાના પ્રમુખ અહમદ અલ-શારા સાથે મુલાકાત કરવા માટે રાષ્ટ્રપતિભવન ગયા હોવાથી તેઓ સંપૂર્ણપણે સુરક્ષિત છે. અમેરિકા, ઇઝરાયલ અને ઈરાન વચ્ચેના મહિનાઓ લાંબા યુદ્ધ પછી આ વિસ્તારમાં શાંતિ સ્થાપવા અને આર્થિક સંબંધો વધારવા માટે ફ્રેન્ચ વ્યાપારી નેતાઓ પણ તેમની સાથે આ પ્રવાસે આવ્યા છે.
વેનેઝુએલામાં મોટો ચમત્કાર : ભૂકંપના ૧૧ દિવસ બાદ એક પરિવારને કાટમાળમાંથી જીવતો કાઢવામાં આવ્યો
ADVERTISEMENT
વેનેઝુએલામાં આવેલા વિનાશક ધરતીકંપના ૧૧ દિવસ પછી બચાવકર્તાઓએ લા ગ્વાઇરા શહેરના કારાબેલેડા વિસ્તારમાં એક પરિવારને કાટમાળ હેઠળથી જીવતો બહાર કાઢ્યો હતો. કાટમાળ નીચે એક યુવાન, એક મહિલા અને બે નાનાં બાળકો જીવતાં અને શ્વાસ લેતાં મળી આવ્યાં હતાં. બચાવટીમોએ પહેલાં ફસાયેલા પરિવાર સાથે સંપર્ક સ્થાપિત કર્યો હતો અને તેમને શાંત રહેવા અને અસ્થિર કાટમાળને કારણે સ્થળાંતર કરવાનું ટાળવાનું કહ્યું હતું. ત્યાર બાદ અગ્નિશમન દળના જવાનો અને બચાવકર્તાઓએ એક નાજુક બચાવ-કામગીરી હાથ ધરીને ચારેયને સલામત રીતે બહાર કાઢ્યાં હતાં અને નજીકની હૉસ્પિટલોમાં ચેક-અપ માટે લઈ જવામાં આવ્યાં હતાં. તેમના બચી જવાને ચમત્કારથી કંઈ ઓછું ગણાવવામાં આવ્યું નથી.
