° °

આજનું ઇ-પેપર
Thursday, 28 October, 2021


તાલિબાનોમાં અંદરોઅંદર ખૂની ઘર્ષણ

22 September, 2021 10:29 AM IST | Kabul | Agency

બ્રિટિશ મૅગેઝિન કહે છે, સુપ્રીમ લીડર અખુંદઝાદાની હત્યા થઈ અને મુલ્લા બરાદરને બંધક બનાવાયો

તાલિબાનનો સર્વેસર્વા ​હિબતુલ્લાહ અખુંદજાદા અને નાયબ વડા પ્રધાન મુલ્લા બરાદર

તાલિબાનનો સર્વેસર્વા ​હિબતુલ્લાહ અખુંદજાદા અને નાયબ વડા પ્રધાન મુલ્લા બરાદર

અફઘાનિસ્તાનમાં સત્તા માટેની આંતરિક લડાઈએ તાલિબાનોને મોટો આંચકો આપ્યો છે. બ્રિટનના એક મૅગેઝિને કરેલા દાવા મુજબ સત્તાની આ લડાઈમાં તાલિબાનનો સર્વેસર્વા ​હિબતુલ્લાહ અખુંદઝાદાને મોતને ઘાટ ઉતારવામાં આવ્યો છે અને નાયબ વડા પ્રધાન મુલ્લા બરાદરને બંધક બનાવવામાં આવ્યો છે. સત્તા માટેનો આ ખૂની સંઘર્ષ તાલિબાનનાં બે જૂથો વચ્ચે થયો હોવાનું જણાવાયું છે. મૅગેઝિનના જણાવ્યા પ્રમાણે હક્કાની જૂથ સાથે થયેલા આ ઝઘડામાં સૌથી વધુ નુકસાન મુલ્લા બરાદરને જ થયું છે. 
બ્રિટિશ મૅગેઝિને રિપોર્ટમાં કહ્યું હતું કે સપ્ટેમ્બર મહિનામાં તાલિબાનોનાં બન્ને જૂથો વચ્ચે એક બેઠક થઈ હતી. દરમ્યાન હક્કાની નેતા ખલીલ-ઉલ રહમાન હક્કાની પોતાની ખુરશી પરથી ઊઠ્યો હતો અને તેણે બરાદરને મુક્કા મારવાનું શરૂ કર્યું હતું. બરાદર તાલિબાન સરકારની કૅબિનેટમાં તાલિબાન ન હોય એવા અને અલ્પસંખ્યકોને પણ સ્થાન આપવા માટે દબાણ કરી રહ્યો હતો કે જેથી દુનિયાના અન્ય દેશો તાલિબાન સરકારને માન્યતા આપે.
આ લડાઈ બાદ બરાદર કેટલાક દિવસોથી ગુમ હતો. ફરી વાર તે કંદહારમાં દેખાયો હતો. રિપોર્ટ મુજબ બરાદરે આદિવાસી નેતાઓની મુલાકાત લીધી હતી, જેનું સમર્થન પણ એને મળ્યું. જોકે એના પર દબાણ કરીને આવો વિડિયો બનાવવામાં આવ્યો છે. આ વિડિયોથી એવો મેસેજ મળે છે કે એને બંધક બનાવી દેવાયો છે. અખુંદઝાદા વિશે હજી સુધી કોઈ રિપોર્ટ નથી મળ્યો. તે ઘણા સમયથી જાહેરમાં દેખાયો નથી. એથી એવું માનવામાં આવી રહ્યું છું કે તેની હત્યા કરવામાં આવી છે. તાલિબાનોમાં અગાઉ ક્યારેય સત્તા માટે આવો સંઘર્ષ દેખાયો નહોતો.

22 September, 2021 10:29 AM IST | Kabul | Agency

અન્ય લેખો

ઈન્ટરનેશનલ સમાચાર

સુદાનમાં પ્રદર્શનકારીઓ પર ગોળીબાર : ૭નાં મૃત્યુ

સુદાનમાં કામચલાઉ ઘડેલી વચગાળાની સરકાર પાસેથી સૈન્યએ સત્તા છીનવી લીધા બાદ દેશની રાજધાનીમાં હજારો લોકો વિરોધમાં ઊમટી પડ્યા હતા

27 October, 2021 09:50 IST | Khartum | Gujarati Mid-day Correspondent
ઈન્ટરનેશનલ સમાચાર

૭૫ ટકા વસ્તી વૅક્સિનેટેડ છતાં કોરોના લૉકડાઉન

આવા હાલ છે ચીનના લાન્ઝાઉ શહેરના : અસરગ્રસ્ત વિસ્તારોમાંથી આવતા લોકો માટે ૧૪ દિવસ ક્વૉરન્ટીન ફરજિયાત : લોકોને જરૂર વગર ઘરની બહાર ન નીકળવા માટે કડક સૂચના અપાઈ છે

27 October, 2021 09:07 IST | Hong Kong | Gujarati Mid-day Correspondent
ઈન્ટરનેશનલ સમાચાર

ઇન્ડોનેશિયાના ભૂતપૂર્વ પ્રમુખની દીકરી હિન્દુ ધર્મ અપનાવશે

સુકર્ણો હેરિટેજ એરિયામાં આ કાર્યક્રમનું આયોજન કરવામાં આવ્યું હતું

26 October, 2021 09:56 IST | Jakarta | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK