ઇસ્લામાબાદના નૂર ખાન ઍરબેઝ પર પાંચ પાકિસ્તાની F-16 ફાઇટર જેટ અમેરિકન ઍરફોર્સના બોઇંગ C-32A વિમાનને એસ્કોર્ટ કરી રહ્યાં છે
ગઈ કાલે ઇસ્લામાબાદમાં દ્વિપક્ષીય શાંતિમંત્રણા શરૂ થતાં પહેલાં પાકિસ્તાનના વડા પ્રધાન શાહબાઝ શરીફે અમેરિકાના વાઇસ-પ્રેસિડન્ટ જે. ડી. વૅન્સ સાથે બેઠક કરી હતી.ઈસ્લામાબાદ આવતી વખતે જે.ડી. વૅન્સને પાંચ ફાઇટર જેટ્સનું પ્રોટેક્શન આપવામાં આવ્યું હતું.
ઈરાન સાથે શાંતિવાટાઘાટ કરવા પાકિસ્તાન પહોંચેલા અમેરિકાના વાઇસ પ્રેસિડન્ટ જે. ડી. વૅન્સના ઍરક્રાફ્ટને પાંચ પાકિસ્તાની F-16 ફાઇટર જેટે એસ્કોર્ટ કર્યાં હતાં. આ સંદર્ભમાં એક વિડિયો પણ બહાર આવ્યો છે જેમાં ઇસ્લામાબાદના નૂર ખાન ઍરબેઝ પર પાંચ પાકિસ્તાની F-16 ફાઇટર જેટ અમેરિકન ઍરફોર્સના બોઇંગ C-32A વિમાનને એસ્કોર્ટ કરી રહ્યાં છે. આ દૃશ્ય જોઈને એવું લાગતું હતું કે અમેરિકાના વાઇસ પ્રેસિડન્ટ પાકિસ્તાનમાં સુરક્ષિત નથી.
પાકિસ્તાનમાં શાંતિમંત્રણામાં અમેરિકા અને ઈરાનના કયા નેતાઓ ભાગ લઈ રહ્યા છે?
ADVERTISEMENT
પાકિસ્તાનમાં શાંતિમંત્રણામાં ઈરાનના પ્રતિનિધિમંડળનું નેતૃત્વ ઈરાની સંસદના સ્પીકર મોહમ્મદ-બાઘેર ગાલિબાફ અને વિદેશપ્રધાન અબ્બાસ અરાગચી કરી રહ્યા છે. એ સિવાય સેન્ટ્રલ બૅન્કના ગવર્નર અબ્દોલનાસર હેમ્માતી સહિત અન્ય સભ્યોનો સમાવેશ થાય છે. અમેરિકા વતી વાઇસ પ્રેસિડન્ટ જે. ડી. વૅન્સ, અમેરિકાના પ્રેસિડન્ટના ભૂતપૂર્વ સલાહકાર અને ડોનલ્ડ ટ્રમ્પના જમાઈ જૅરેડ કુશનર અને ખાસ દૂત સ્ટીવ વિટકૉફનો સમાવેશ છે.
