નાગપુર જઈ રહેલી એ ટ્રકમાંની ચાંદી એક બૅન્કની હતી
પ્રતીકાત્મક તસવીર
વિધાનસભાની ચૂંટણીના જ દિવસે બુધવારે ધુળેમાંથી એક ટ્રક પકડાઈ હતી. ધુળેના સ્થાનિક પોલીસ-સ્ટેશનની હદમાં નાકાબંધી દરમ્યાન આ ટ્રકને અટકાવવામાં આવી હતી. તપાસ કરતાં એમાંથી ૧૦,૦૮૦ કિલો ચાંદી મળી આવી હોવાનું સ્પેશ્યલ ઇન્સ્પેક્ટર જનરલ ઑફ પોલીસ દત્તાત્રય કરાળેએ જણાવ્યું હતું. એવું કહેવાય છે કે નાગપુર જઈ રહેલી એ ટ્રકમાંની ચાંદી એક બૅન્કની હતી. જોકે આ બાબતની ખાતરી કરવા દસ્તાવેજો અને અન્ય પુરાવાઓની ચકાસણી ચાલી રહી છે. ઇન્કમ ટૅક્સ ડિપાર્ટમેન્ટને પણ આ બાબતે જાણ કરવામાં આવી છે.
