૩.૨૫ ટકા વધુ મતદાન સાથે મુંબઈનું ટોટલ ૫૩.૯૨ ટકા

ઇલેક્શન કમિશનના ફાઇનલ આંકડા આવી ગયા

હીર ભાનુશાલી, ઘાટકોપર

ભાંડુપમાં સૌથી વધુ ૬૧.૧૨ ટકા તો કોલાબામાં સૌથી ઓછું ૪૪.૪૯ ટકા મતદાન નોંધાયું : MMRમાં સૌથી વધુ ૭૭.૭૫ ટકા મતદાન વિક્રમગડ બેઠક પર થયું હતું

મુંબઈમાં ગઈ વિધાનસભાની ચૂંટણીની સરખામણીએ બુધવારે ૩.૨૫ ટકા વધુ મતદાન થયું હતું. ૨૦૧૯ની ચૂંટણીમાં જ્યાં ૫૦.૬૭ ટકા લોકોએ મત આપ્યા હતા એની સામે આ વખતે ૫૩.૯૨ ટકા મતદાન નોંધાયું હતું. મુંબઈની ૩૬ વિધાનસભા બેઠકમાં સૌથી વધુ ૬૧.૧૨ ટકા મતદાન ભાંડુપ-વેસ્ટ બેઠકમાં થયું હતું, જ્યારે કોલાબાની બેઠકમાં ૪૪.૪૯ ટકા લોકોએ મત આપ્યા હતા. આખા મુંબઈ મેટ્રોપૉલિટન રીજન (MMR)ની વાત કરીએ તો પાલઘર જિલ્લામાં આવેલી વિક્રમગડ બેઠક પર સૌથી વધારે ૭૭.૭૫ ટકા અને સૌથી ઓછું કોલાબા બેઠકનું ૪૪.૪૯ ટકા છે. મુંબઈને મુંબઈ સબર્બન અને મુંબઈ સિટી એમ બે જિલ્લામાં વિભાજિત કરવામાં આવ્યું છે. મુંબઈ સિટીની વાત કરીએ તો ત્યાં ૫૨.૦૭ ટકા મતદાન થયું છે, જ્યારે મુંબઈ સબર્બનમાં ૫૫.૭૭ ટકા લોકોએ પોતાના મતાધિકારનો ઉપયોગ કર્યો છે. આ બન્નેની ઍવરેજ કાઢીએ તો મુંબઈમાં ૫૩.૯૨ ટકા મતદાન નોંધવામાં આવ્યું છે. 

ADVERTISEMENT

વોટ આપવો એ આપણો રાઇટ છે અને પ્રાઇડ પણ છે

હું મારાથી એક વર્ષ મોટા ભાઈ સાથે પહેલી વાર મતદાન કરવા ગઈ હતી. તેણે આ પહેલાં લોકસભાની ચૂંટણીમાં મત આપ્યો હતો અને વિધાનસભાની ચૂંટણીમાં તો તેણે પણ પહેલી વાર મતદાન કર્યું હતું. આપણે દરેકે વોટ તો આપવો જ જોઈએ અને એ આપણો રાઇટ છે અને પ્રાઇડ પણ છે. - હીર ભાનુશાલી, ઘાટકોપર

MMRની ૬૦ બેઠકમાં થયેલા મતદાનના ફાઇનલ આંકડા