બોરીવલી નૅશનલ પાર્કમાં છેલ્લાં ૬ વર્ષથી રાખવામાં આવેલા દીપડા બિટ્ટુ બૉસનું ૨૧ માર્ચે મૃત્યુ થયું હતું
બિટ્ટુ બૉસના નિધનથી નૅશનલ પાર્કનો સ્ટાફ ગમગીન.
બોરીવલી નૅશનલ પાર્કમાં છેલ્લાં ૬ વર્ષથી રાખવામાં આવેલા દીપડા બિટ્ટુ બૉસનું ૨૧ માર્ચે મૃત્યુ થયું હતું. એ છેલ્લા થોડા વખતથી બીમાર હતો. ૨૦૧૯માં દીપડાના એ બચ્ચા (બિટ્ટુ)ને થાણેના યેઉરમાંથી બચાવીને નૅશનલ પાર્કમાં લાવવામાં આવ્યું હતું. કેટલાક મહિનાઓથી એને કિડનીની બીમારી હતી અને એની સારવાર પણ ચાલી રહી હતી. આખરે ૨૧ માર્ચે એનું મૃત્યુ થયું હતું. વધુ તપાસ માટે એના સેલ્સ મુંબઈ વેટરિનરી હૉસ્પિટલમાં તપાસ માટે મોકલવામાં આવ્યા છે. એનું મૃત્યુ થતાં નૅશનલ પાર્કના સ્ટાફમાં ભારે ગમગીની ફેલાઈ અને એક સ્વજન ગુમાવ્યાની લાગણી તેઓ અનુભવી રહ્યા હતા.
