ન્યૂઝ શોર્ટમાં: વસઈમાં પાણીના ટૅન્કરે અડફેટે લેતાં ૪ વર્ષની બાળકીનું મોત

ઘટનાની જાણ થતાં વાલિવ પોલીસ ઘટનાસ્થળે ધસી ગઈ હતી. ડ્રાઇવરને તાબામાં લઈ વધુ કાર્યવાહી કરવામાં આવી હતી.

ઘટનાસ્થળ

વસઈના ખેરપાડા વિસ્તારના દુર્ગાનગરમાં ઘરની સામે રમતી ૪ વર્ષની નિક્સા વર્મા પર ગઈ કાલે સાંજે પાણીનું ટૅન્કર ફરી વળતાં તેનું ઘટનાસ્થળે જ મૃત્યુ થયું હતું, જેના કારણે સ્થાનિકોમાં રોષ વ્યાપી ગયો હતો. વસઈ-વિરારમાં ઉનાળો ચાલુ થતાં જ પાણીની સપ્લાય ઘટી ગઈ હોવાથી પ્રાણીનાં પ્રાઇવેટ ટૅન્કર પર રહેવાસીઓએ આધાર રાખવો પડે છે. ઘટનાની જાણ થતાં વાલિવ પોલીસ ઘટનાસ્થળે ધસી ગઈ હતી. ડ્રાઇવરને તાબામાં લઈ વધુ કાર્યવાહી કરવામાં આવી હતી. 

એક એપ્રિલથી ફાસ્ટૅગના વાર્ષિક પાસમાં ૭૫ રૂપિયાનો વધારો

ADVERTISEMENT

નૅશનલ હાઇવે ઑથોરિટીએ એના વાર્ષિક ફાસ્ટૅગમાં એક એપ્રિલથી ૭૫ રૂપિયા વધારવાનો નિર્ણય લીધો છે. આ વાર્ષિક ફાસ્ટૅગ પહેલાં ૩૦૦૦ રૂપિયામાં મળતો હતો અને હવે એના માટે ૭૫ રૂપિયા વધુ ચૂકવવા પડશે. આ વાર્ષિક ફાસ્ટૅગ ધરાવનાર વાહન માટે દેશના કોઈ પણ ટોલ-નાકા પર કુલ મળીને આખા વર્ષ દરમ્યાન ૨૦૦ ટ્રિપની લિમિટ રાખવામાં આવી છે. લૉન્ગ ડિસ્ટન્સ જતાં વાહનો માટે એ ફાયદાકારક યોજના છે. હાલ દેશનાં ૫૦ લાખ વાહનો એ વાર્ષિક ફાસ્ટૅગનો ઉપયોગ કરે છે.