° °

આજનું ઇ-પેપર
Thursday, 02 December, 2021


મહારાષ્ટ્રમાં ઘણા લાંબા સમય બાદ એક હજારથીયે ઓછા કેસ નોંધાયા

26 October, 2021 12:56 PM IST | Mumbai | Gujarati Mid-day Correspondent

ગઈ કાલે રાજ્યના ૧૪ જિલ્લાઓમાં કોરોનાનો એક પણ કેસ નોંધાયો નહોતો

ફાઈલ તસવીર

ફાઈલ તસવીર

કોરોના મહામારી ગયા વર્ષના માર્ચ મહિનાથી શરૂ થઈ હતી. એ પછી મહારાષ્ટ્રમાં ગઈ કાલે પહેલી જ વાર ૧૦૦૦ કરતાં ઓછા ૮૮૯ નવા પૉઝિટિવ​ કેસ નોંધાયા હતા. એ સિવાય ગઈ કાલે રાજ્યમાં મૃતાંક ૧૨ નોંધાયો હતો જે અત્યાર સુધીનો સૌથી ઓછો હતો. ગઈ કાલે રાજ્યના ૧૪ જિલ્લાઓમાં કોરોનાનો એક પણ કેસ નોંધાયો નહોતો, જ્યારે ૧૨ જિલ્લામાં ૧૦ કરતાં પણ ઓછા કેસ નોંધાયા હતા. કોરોનાને કારણે જે મૃત્યુ થયાં છે એ પણ માત્ર મુંબઈ, થાણે, પુણે અને રત્નાગિરિમાં જ નોંધાયાં છે. રાજ્યમાં ગઈ કાલે કુલ ૮૪,૪૬૦ ટેસ્ટ કરાઈ હતી. એમાંથી ૮૮૯ પૉઝિટિવ કેસ મળી આવ્યા હતા.

મુંબઈમાં ગઈ કાલે કોરોનાની ૨૭,૧૮૫ ટેસ્ટ કરાઈ હતી. એમાંથી ૨૭૬ જણની ટેસ્ટ પૉઝિટિવ આવી હતી, જ્યારે કોરોનામાંથી સાજા થનારા દરદીઓની સંખ્યા ૩૫૧ હતી. આમ કોરોના પૉઝિટિવ કરતાં કોરોનામાંથી સાજા થનારાની સંખ્યા ૩૦ ટકા વધુ હતી. ગઈ કાલના ૨૭૬ પૉઝિટિવ કેસ સાથે અત્યાર સુધીના પૉઝિટિવ કેસનો કુલ આંકડો હવે ૭,૫૩,૯૫૬ પર પહોંચી ગયો છે. એ સામે મુંબઈમાં કુલ સાજા થયેલા દરદીઓની સંખ્યા હવે ૭,૩૧,૦૬૫ પહોંચી છે.

મુંબઈમાં ગઈ કાલે કોરોનાને કારણે ૭ જણનાં મૃત્યુ થયાં હતાં. એમાંથી પાંચ દરદીઓ પહેલેથી જ કોઈ ને કોઈ બીમારીથી પીડાતા હતા. મૃતકોમાં ચાર પુરુષો હતા, જ્યારે ત્રણ મહિલા હતી. ૬ મૃતકોની ઉંમર ૬૦ વર્ષ કરતાં વધુ હતી, જ્યારે એક મૃતકની ઉંમર ૪૦ વર્ષથી ૬૦ વર્ષ વચ્ચેની હતી. મુંબઈમાં કોરોનાનો ડબલિંગ રેટ ગઈ કાલે ૧,૩૧૪ દિવસ થઈ ગયો હતો. ગઈ કાલે મુંબઈમાં ઍક્ટિવ સીલ કરાયેલી ઇમારતોની સંખ્યા ૪૩ હતી. ગઈ કાલે કુલ ૨,૧૪૪ હાઈ રિસ્ક કૉન્ટૅક્ટ શોધી કાઢવામાં આવ્યા હતા અને એમાંના ૫૩૮ને સાવચેતી ખાતર કોરોના કૅર સેન્ટર્સમાં સારવાર માટે મોકલી અપાયા હતા.  

26 October, 2021 12:56 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

Omicron: મહારાષ્ટ્ર આવેલા 6 યાત્રીઓ કોરોના પોઝિટિવ, હવે આ નિયમો કરાયા ફરજિયાત

કોરોનાથી સંક્રમિત 6 લોકોમાંથી ત્રણ લોકો મુંબઈના કલ્યાણ, ડોંબિવલી અને મીરા ભાયંદર વિસ્તારના હોવાનું જાણવા મળ્યું છે.

01 December, 2021 07:18 IST | mumbai | Gujarati Mid-day Online Correspondent
મુંબઈ સમાચાર

સિલિન્ડર બ્લાસ્ટમાં ચાર મહિનાના બાળક સહિત ચાર જણ દાઝી ગયા

સવારે ૭ વાગ્યે ગૅસનું સિલિન્ડર ફાટ્યું હતું ત્યારે બધા સૂતા હતા એટલે આગથી બચવા માટે તેઓ ઝડપથી ઘરની બહાર દોડી ન શકતાં સખત દાઝી ગયા હોવાનું જાણવા મળ્યું હતું. 

01 December, 2021 11:55 IST | Mumbai | Gujarati Mid-day Correspondent
મુંબઈ સમાચાર

મુંબઈમાં આજે ભારે વરસાદની આગાહી, હવામાન વિભાગે યલો એલર્ટ કર્યુ જાહેર

હવામાન વિભાગે મુંબઈ શહેરમાં આજે ભારે વરસાદ પડવાની આગાહી કરી છે.

01 December, 2021 11:38 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK