Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > ભાઇંદરમાં પ્લમ્બરે ટેરેસ પર લઈ જઈને છ વર્ષની બાળકી પર કર્યો રેપ

ભાઇંદરમાં પ્લમ્બરે ટેરેસ પર લઈ જઈને છ વર્ષની બાળકી પર કર્યો રેપ

25 September, 2021 01:42 PM IST | Mumbai
Gujarati Mid-day Correspondent | feedbackgmd@mid-day.com

પરિવારને જાણતો હોવાનો તેણે લાભ લીધો હતો

પ્રતીકાત્મક તસવીર

પ્રતીકાત્મક તસવીર


ડોમ્બિવલીમાં સગીર વયની બાળકી પર ૩૦થી વધુ આરોપીઓએ રેપ કર્યો હોવાની ઘટના હજી તાજી જ છે ત્યાં ભાઈંદરમાં ફક્ત છ વર્ષની બાળકી પર રેપ થયો હોવાની ઘટના બહાર આવતાં રોષનું વાતાવરણ જોવા મળ્યું હતું.

ભાઈંદર-ઈસ્ટમાં ગોલ્ડન નેસ્ટ પરિસરમાં એક સોસાયટીમાં રહેતી છ વર્ષની બાળકી પર પાડોશમાં રહેતા અને પરિવારને જાણતા ૨૨ વર્ષના સચિન ચૌધરીએ બિલ્ડિંગના ટેરેસ પર લઈ જઈને બળાત્કાર કર્યો હોવાની ઘટના સામે આવી હતી. પરિવારને જાણતો હોવાનો તેણે લાભ લીધો હતો. સચિન પ્લમ્બર તરીકે કામ કરતો હતો. બાળકીને પેટમાં દુખાવો થવા લાગ્યો ત્યારે તેણે તેની માતાને ફરિયાદ કરી હતી. તે તેને તપાસ માટે ડૉક્ટર પાસે લઈ ગઈ ત્યારે આ ઘટના પ્રકાશમાં આવી હતી.



નવઘર પોલીસ સ્ટેશનના અસિસ્ટન્ટ પોલીસ ઇન્સ્પેક્ટર ગણેશ કેકાણે જણાવ્યું હતું કે ‘બાળકીને સરકારી હૉસ્પિટલમાં દાખલ કરવામાં આવી છે અને તેના મેડિકલ રિપોર્ટની રાહ જોવામાં આવી રહી છે. આરોપી સામે નવઘર પોલીસે આઇપીસીની કલમ ૩૭૬, ૩૬૩, ૫૦૩ અને પોસ્કો હેઠળ ગુનો નોંધીને ધરપકડ કરવામાં આવી હતી. પોલીસે આરોપીને કોર્ટમાં લઈ જતાં તેને ચાર દિવસની પોલીસ-કસ્ટડીનો આદેશ આપવામાં આપ્યો છે.’


Whatsapp-channel Whatsapp-channel

25 September, 2021 01:42 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK