આગ એટલી ઝડપથી ફેલાઈ ગઈ કે બાઇક સંપૂર્ણપણે બળીને ખાખ થઈ ગઈ. જોકે આ ઘટનામાં કોઈ જાનહાનિ નોંધાઈ નહોતી.
બાઇક એટલી જલદી આગમાં ભડકે બળી કે સાવ કાટમાળ જ બચ્યો હતો.
શનિવારે બપોરે ભિવંડીના વણજારપટ્ટી નાકા નજીક એક બાઇકરે પેટ્રોલ-પમ્પમાંથી બાઇકમાં પેટ્રોલ ભરાવ્યા પછી મુખ્ય રસ્તા પર આવતાં અચાનક જ બાઇકમાં આગ લાગી ગઈ હતી. ભરરસ્તે બાઇકને આગ લાગતાં અન્ય વાહનચાલકોના જીવ પડીકે બંધાયા હતા. થોડી વારમાં જ બાઇકમાંથી ધુમાડા નીકળવા માંડ્યા હતા અને આખી બાઇક આગમાં ભડકે બળી હતી. આ ઘટનાને કારણે બાજુના પુલ પર પણ અચાનક ભીડ એકઠી થઈ ગઈ. લોકો સળગતી બાઇક જોવા માટે ઊભા રહી ગયા એને લીધે ટ્રાફિક-જૅમ થઈ ગયો હતો. પેટ્રોલ-પમ્પના કર્મચારીઓએ અગ્નિશામક સાથે આગને કાબૂમાં લેવાનો પ્રયાસ કર્યો હતો, પરંતુ આગ એટલી ઝડપથી ફેલાઈ ગઈ કે બાઇક સંપૂર્ણપણે બળીને ખાખ થઈ ગઈ. જોકે આ ઘટનામાં કોઈ જાનહાનિ નોંધાઈ નહોતી.
