° °

આજનું ઇ-પેપર
Monday, 05 December, 2022


લોકલ પ્રવાસ કરતી વખતે લાઇવ ટ્રૅક કરી શકશો ટ્રેનને

19 September, 2022 10:01 AM IST | Mumbai
Rajendra B Aklekar

મધ્ય રેલવેની યાત્રી ઍપમાં પ્રવાસી તેના પરિવાર અને મિત્રો સાથે લાઇવ લોકેશન શૅર કરી શકે એ માટેની સુરક્ષા અને જોગવાઈમાં વધારો કરવામાં આવ્યો છે

મધ્ય રેલવેના ચીફ પીઆરઓ શિવાજી સુતારે જણાવ્યું હતું કે શૅર કરાયેલી ઍપને ગૂગલ પ્લેસ્ટોર પર સેંકડો રિવ્યુ મળવા સાથે એમાં સુધારાઓ કરવાનાં અનેક સૂચનો પણ મળ્યાં છે

મધ્ય રેલવેના ચીફ પીઆરઓ શિવાજી સુતારે જણાવ્યું હતું કે શૅર કરાયેલી ઍપને ગૂગલ પ્લેસ્ટોર પર સેંકડો રિવ્યુ મળવા સાથે એમાં સુધારાઓ કરવાનાં અનેક સૂચનો પણ મળ્યાં છે

મુંબઈની મધ્ય રેલવેની નવી લોકલ ટ્રેન ઍપ હવે વધુ ઇન્ટરઍક્ટિવ થતાં લોકલ ટ્રેનમાં પ્રવાસ કરનાર તેના પરિવારજનો સાથે તેનું લાઇવ લોકેશન શૅર કરી શકશે.

રેલવેએ તમામ લાઇન પર એની તમામ ટ્રેનોનું જીપીએસ ટૅગિંગ પૂરું કર્યું હોવાથી જુલાઈ ૨૦૨૨થી મધ્ય રેલવે મુંબઈની લોકલ ટ્રેનો એની ‘યાત્રી’ નામની અધિકૃત ઍપ્લિકેશન દ્વારા રિયલ-ટાઇમ ટ્રૅકિંગ સાથે લાઇવ-ટ્રૅક મોડ પર છે.

યાત્રી ઍપમાં નવી સુવિધા અપડેટ કરવામાં આવી છે, જેમાં પ્રવાસી તેના પરિવાર અને મિત્રો સાથે લાઇવ લોકેશન શૅર કરી શકે એ માટેની સુરક્ષા અને જોગવાઈમાં વધારો કરવામાં આવ્યો છે. લિન્ક મેળવનાર એના પર ક્લિક કરીને પ્રવાસીનું કરન્ટ લોકેશન ચેક કરી શકશે. યાત્રી ઍપનું જીપીએસ આધારિત લાઇવ લોકેશન ટ્રૅકિંગ ફીચર તરત જ મોબાઇલ સ્ક્રીન પર અપડેટ કરશે. ગૂગલ પ્લેસ્ટોર પર આ ઍપને સેંકડો રિવ્યુ અને સૂચનો મળ્યાં હોવાનું મધ્ય રેલવેના ચીફ પીઆરઓ શિવાજી સુતારે કહ્યું હતું.

આ સુવિધા મુખ્ય લાઇન, હાર્બર લાઇન, ટ્રાન્સહાર્બર લાઇન અને બેલાપુર/નેરુલ-ખારકોપર લાઇનના સ્થાનિક ટ્રેન મુસાફરો માટે ઉપલબ્ધ છે. ઍપ ઍન્ડ્રૉઇડ અને આઇઓએસ બન્ને પ્લૅટફૉર્મ પર પ્લેસ્ટોર પર ઉપલબ્ધ છે એમ તેમણે ઉમેર્યું હતું. 

19 September, 2022 10:01 AM IST | Mumbai | Rajendra B Aklekar

અન્ય લેખો

મુંબઈ સમાચાર

સેન્ટ્રલ રેલવેએ આઠ મહિનામાં ખુદાબક્ષો પાસેથી ઉઘરાવ્યો ૨૦૦ કરોડથી વધુનો દંડ

અગાઉના સૌથી વધુ રૂા. 214.14 કરોડની આવક સમગ્ર નાણાકીય વર્ષ 2021-22 માટે હતી

05 December, 2022 02:13 IST | Mumbai | Gujarati Mid-day Online Correspondent
મુંબઈ સમાચાર

આજથી શરૂ થશે ગોખલે બ્રિજના ડિમોલિશનનું કામ

વેસ્ટર્ન રેલવેને આ કામ ત્રણેક મહિનામાં પૂરું થઈ જવાનો અંદાજ

05 December, 2022 09:09 IST | Mumbai | Rajendra B Aklekar
મુંબઈ સમાચાર

મુંબઈ લોકલમાં સિનિયર સિટિઝન માટે ડબ્બો રિઝર્વ કરો; હાઈકોર્ટમાં જાહેર હિતની અરજી

આ જાહેર હિતની અરજી વરિષ્ઠ નાગરિક વકીલ દ્વારા દાખલ કરવામાં આવી છે અને ટૂંક સમયમાં તેની સુનાવણી થવાની શક્યતા છે

02 December, 2022 08:14 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK