વેસ્ટર્ન એક્સપ્રેસવે પર VVIP મૂવમેન્ટને કારણે ભારે વાહનોને બૅન કરવામાં આવ્યાં એટલે મુંબઈગરાને મજા પડી ગઈ
ગૂગલ મૅપ પર વેસ્ટર્ન એક્સપ્રેસવે યલો કે રેડ પૅચ વગર બ્લુ કલરમાં દેખાયો
મંગળવારે વેસ્ટર્ન એક્સપ્રેસ હાઇવે પર ટ્રાફિકમાં અણધાર્યો ફેરફાર જોવા મળ્યો. પીક અવર્સમાં સામાન્ય રીતે કાંદિવલીથી બાંદરા સુધી પહોંચતાં એક કલાક લાગી જાય છે ત્યારે ગઈ કાલે ૩૦ મિનિટમાં જ મુસાફરો આ અંતર કાપી શક્યા.
મુંબઈ ટ્રાફિક પોલીસે ભારતના વડા પ્રધાન અને ફ્રાન્સના રાષ્ટ્રપતિની મુલાકાતને ધ્યાનમાં રાખીને આ રોડ પર સવારે ૮થી રાતે ૯ વાગ્યા સુધી ભારે વાહનોના પ્રવેશ પર પ્રતિબંધ મૂક્યો હતો, જેને પગલે રસ્તા પર ટ્રાફિક હળવો રહ્યો હતો.
ADVERTISEMENT
વાકોલા ફ્લાયઓવર અને દહિસર ટોલ-નાકા વચ્ચે VVIP મૂવમેન્ટને ધ્યાનમાં રાખીને લેવાયેલા આ નિર્ણયને લીધે મુસાફરોને પોતાને VVIP ટ્રીટમેન્ટ મળી રહી હોય એવું લાગતું હતું. અનેક મુસાફરોએ સોશ્યલ મીડિયા પર પોસ્ટ કરીને આનંદ વ્યક્ત કર્યો હતો.
