મુંબઈ પોલીસે પોતાના સોશ્યલ મીડિયા પેજ પર આ વિડિયો શૅર કર્યો હતો. આ વિડિયો વાઇરલ થતાં લોકોએ પોલીસની બહાદુરી અને કર્તવ્યનિષ્ઠાનાં ખૂબ વખાણ કર્યાં હતાં.
લપસીને નાળામાં પડી ગયેલી વ્યક્તિની મદદે જોગેશ્વરી પોલીસ આવી હતી.
જોગેશ્વરી પોલીસની ચપળતાને લીધે અકસ્માતે ગટરમાં પડી ગયેલા એક પુરુષનો જીવ બચાવી શકાયો હતો. આ બનાવની જોગેશ્વરી પોલીસની મોબાઇલ વૅનને માહિતી મળતાં પોલીસ ઘટનાસ્થળે પહોંચી હતી. ત્યાર બાદ એક પોલીસે દોરડાનો ઉપયોગ કરીને નાળામાં ઊતરીને તે વ્યક્તિને ડૂબતાં બચાવી હતી. પોલીસની ટીમે ગટરમાંથી બન્નેને દોરડું ખેંચીને બહાર કાઢ્યા હતા. બચાવાયેલી વ્યક્તિને ઝડપથી નજીકની હૉસ્પિટલમાં પ્રાથમિક સારવાર માટે લઈ જવામાં આવી હતી. મુંબઈ પોલીસે પોતાના સોશ્યલ મીડિયા પેજ પર આ વિડિયો શૅર કર્યો હતો. આ વિડિયો વાઇરલ થતાં લોકોએ પોલીસની બહાદુરી અને કર્તવ્યનિષ્ઠાનાં ખૂબ વખાણ કર્યાં હતાં.
