સુનાવણી દરમિયાન ૨૦ થી વધુ સાક્ષીઓના નિવેદનો નોંધવામાં આવ્યા હતા. ઉદ્ધવ ઠાકરે અને એકનાથ શિંદેના નિવેદનો પણ વીડિયો કૉન્ફરન્સિંગ દ્વારા નોંધવામાં આવ્યા હતા. આ પ્રક્રિયા `કોડ ઓફ ક્રિમિનલ પ્રોસિજર` (CrPC) ની કલમ ૩૧૩ હેઠળ હાથ ધરવામાં આવી હતી.
ઉદ્ધવ ઠાકરે અને એકનાથ શિંદે
મહારાષ્ટ્રના કલ્યાણની એક અદાલતે બુધવારે ૨૦૦૯ ની લોકસભા ચૂંટણી પ્રચાર સાથે સંકળાયેલા ૧૭ વર્ષ જૂના બદનક્ષીના કેસમાં ભૂતપૂર્વ મુખ્ય પ્રધાન ઉદ્ધવ ઠાકરે, હાલના નાયબ મુખ્ય પ્રધાન એકનાથ શિંદે અને અન્ય બે આરોપીઓને નિર્દોષ જાહેર કર્યા છે. આ કેસ ચૂંટણી પ્રચાર દરમિયાન એક વિવાદાસ્પદ સીડી (CD) બતાવવાની ઘટના સાથે જોડાયેલો હતો. આ કેસ સ્વર્ગસ્થ એનસીપી (NCP) નેતા વસંત દાવખરે દ્વારા દાખલ કરવામાં આવ્યો હતો. દાવખરે ૨૦૦૯ ની લોકસભા ચૂંટણીમાં કલ્યાણ મતવિસ્તારમાંથી એનસીપીના ઉમેદવાર હતા. તેમણે આક્ષેપ કર્યો હતો કે ચૂંટણી રૅલીમાં બતાવવામાં આવેલા એક વીડિયો દ્વારા તેમની છબી બગાડવાનો પ્રયાસ કરવામાં આવ્યો હતો. આ કેસમાં ઉદ્ધવ ઠાકરે (જેઓ તે સમયે શિવસેનાના કાર્યકારી પ્રમુખ હતા), એકનાથ શિંદે, શિવસેનાના ઉમેદવાર આનંદ પરાંજપે અને રૅલીના આયોજક રમાકાંત દેઓલેકરને આરોપી બનાવવામાં આવ્યા હતા. આ કેસની સુનાવણી લગભગ ૧૭ વર્ષ સુધી ચાલી હતી.
અદાલતમાં ૨૦ થી વધુ સાક્ષીઓના નિવેદનો નોંધાયા
ADVERTISEMENT
સુનાવણી દરમિયાન ૨૦ થી વધુ સાક્ષીઓના નિવેદનો નોંધવામાં આવ્યા હતા. ઉદ્ધવ ઠાકરે અને એકનાથ શિંદેના નિવેદનો પણ વીડિયો કૉન્ફરન્સિંગ દ્વારા નોંધવામાં આવ્યા હતા. આ પ્રક્રિયા `કોડ ઓફ ક્રિમિનલ પ્રોસિજર` (CrPC) ની કલમ ૩૧૩ હેઠળ હાથ ધરવામાં આવી હતી. સાક્ષીઓના નિવેદનો અને કેસમાં રજૂ કરાયેલા પુરાવાઓની તપાસ કર્યા બાદ અદાલતે બુધવારે પોતાનો ચુકાદો સંભળાવ્યો હતો. અદાલતે ચારેય આરોપીઓને નિર્દોષ જાહેર કર્યા.
૨૦૦૯ ના ચૂંટણી પ્રચાર સાથે જોડાયેલો વિવાદ
આ કેસ ૨૦૦૯ની કલ્યાણ લોકસભા ચૂંટણી સાથે સંબંધિત હતો. તે ચૂંટણીમાં એનસીપીના વસંત દાવખરે અને તત્કાલીન અવિભાજિત શિવસેનાના આનંદ પરાંજપે વચ્ચે મુકાબલો થયો હતો. ફરિયાદી પક્ષના જણાવ્યા અનુસાર, ચૂંટણી રૅલીમાં દાવખરેને લગતો એક વીડિયો બતાવવામાં આવ્યો હતો. દાવખરેએ આક્ષેપ કર્યો હતો કે વીડિયો સાથે છેડછાડ કરવામાં આવી હતી અને ચૂંટણી પહેલાં તેમને બદનામ કરવાના ઈરાદાથી તે બતાવવામાં આવ્યો હતો. શિવસેનાએ આ આરોપોને નકારી કાઢ્યા હતા અને દાવો કર્યો હતો કે વીડિયો અસલી હતો. દાવખરેનું ૨૦૧૮ માં અવસાન થયું હતું. તેમ છતાં, તેમના અવસાન બાદ પણ ફોજદારી કેસની કાર્યવાહી ચાલુ રહી હતી. ચુકાદા પર ટિપ્પણી કરતા ઉદ્ધવ ઠાકરેના વકીલ જયેશ વાણીએ કહ્યું કે, "અદાલત સમક્ષ રજૂ કરાયેલા પુરાવા આરોપીને દોષિત ઠેરવવા માટે પૂરતા આધાર પૂરા પાડતા નહોતા." શિવસેનાના નેતા અને ભૂતપૂર્વ સાંસદ આનંદ પરાંજપેએ પણ જણાવ્યું હતું કે, સુનાવણી દરમિયાન નોંધાયેલા પુરાવા અને સાક્ષીઓના નિવેદનો આરોપી સામે મૂકવામાં આવેલા આરોપોને સમર્થન આપતા નહોતા.
ઉદ્ધવ ઠાકરેએ દિશા સાલિયાનના મૃત્યુ કેસમાં આરોપોને ફગાવી દીધા
ઉદ્ધવ ઠાકરેએ દિશા સાલિયાનના મૃત્યુ સાથે તેમના પરિવારને જોડવાના પ્રયાસોને ફગાવી દીધા હતા. તેમણે કહ્યું હતું કે આ મામલામાં રાજકારણ સાથે કોઈ લેવાદેવા ન હોય તેવા લોકોને ઘસડવામાં આવી રહ્યા છે. આને ચરિત્રણે બગાડવાનો પ્રયાસ ગણાવતા ઠાકરેએ કાયદાકીય કાર્યવાહી કરવાની ચેતવણી પણ આપી હતી. સતીશ સાલિયાને આદિત્ય ઠાકરે અને મહારાષ્ટ્રના ભૂતપૂર્વ ગૃહમંત્રી અનિલ દેશમુખને 500 કરોડ રૂપિયાની માનહાનિની નોટિસ મોકલ્યા બાદ આ વિવાદ વધુ વકર્યો હતો. નોટિસમાં આક્ષેપ કરવામાં આવ્યો હતો કે બન્ને નેતાઓએ ન્યાયની માગણીને રાજકીય હેતુથી પ્રેરાયેલી ગણાવી હતી.
