° °

આજનું ઇ-પેપર
Monday, 05 December, 2022


લાઇટ ઑફ, ઍક્સિડન્ટ ઑન : દોષીઓની સામે ઍક્શન ક્યારે?

19 September, 2022 08:40 AM IST | Mumbai
Rajendra B Aklekar

મુંબઈ-અમદાવાદ હાઇવે પર આવેલા અનેક પુલ પરની લાઇટ્સ કૉન્ટ્રૅક્ટરો ફક્ત ઇલેક્ટ્રિક બિલના પૈસા બચાવવા માટે બંધ કરતા હોવાના અહેવાલ બાદ તેમની સામે ક્રિમિનલ કાર્યવાહીની જોરદાર માગણી ઊઠી

૧૦ સપ્ટેમ્બરે મુંબઈ-અમદાવાદ હાઇવે પર આવેલો સકવર ફ્લાયઓવર (તસવીર : સતેજ શિંદે)

૧૦ સપ્ટેમ્બરે મુંબઈ-અમદાવાદ હાઇવે પર આવેલો સકવર ફ્લાયઓવર (તસવીર : સતેજ શિંદે)

ઇલેક્ટ્રિસિટીનું બિલ બચાવવા માટે મુંબઈ-અમદાવાદ હાઇવેના પુલ પરની મોટા ભાગની સ્ટ્રીટલાઇટ રાતના સમયે બંધ કરી દેવામાં આવતી હોવાનો અહેવાલ ‘મિડ-ડે’ દ્વારા બહાર પાડવામાં આવ્યો હતો. ચોથી સપ્ટેમ્બરે તાતા ગ્રુપના ભૂતપૂર્વ ચૅરમૅન સાયરસ મિસ્ત્રીનું રોડ-અકસ્માતમાં અવસાન બાદ હાઇવે ખોટી ડિઝાઇનથી માંડીને ખાડાઓ માટે બદનામ છે. એને લીધે લોકોએ કૉન્ટ્રૅક્ટર સામે આકરાં પગલાં લેવાની માગ કરી છે.

મુંબઈ અને ચારોટી વચ્ચે મુલાકાત દરમ્યાન ‘મિડ-ડે’એ શોધી કાઢ્યું કે ખતરનાક સ્થળો પર સંકેતોનો સંપૂર્ણ અભાવ હતો. ૨૧ પૈકી ૧૮ પુલ પર કોઈ સ્ટ્રીટલાઇટ નથી. તપાસમાં ખબર પડી કે રોડ-ઑપરેટરોએ પૈસા બચાવવા માટે લાઇટ બંધ કરી દીધી હતી. સિટિઝન ટ્રાન્સપોર્ટ કમિટીના જિતેન્દ્ર ગુપ્તાએ કહ્યું હતું કે ‘તમામ દોષી કૉન્ટ્રૅક્ટરો સામે ઇરાદાપૂર્વક મોટર અકસ્માતમાં ઈજા અને મૃત્યુનું કારણ બને એ માટે ગુનાહિત કાવતરાનો કેસ દાખલ કરવો જોઈએ.’

ટ્રાન્સપૉર્ટ ઍક્ટિવિસ્ટ અને આર્કિટેક્ટ જગદીપ દેસાઈએ જણાવ્યું હતું કે કૉન્ટ્રાક્ટર જ નહીં પણ ટોચના ​સત્તાવાળાઓ પણ જવાબદાર છે. ડ્યુટીમાં બેદરકારી જેવી બાબતોનો તો અદાલતમાં નિકાલ થવો જોઈએ.

સીટ-બેલ્ટ હાઇવે પર ફરજીયાત 
મુંબઈ મોબિલિટી ફોરમ ઍન્ડ મુંબઈ વિકાસ સમિતિના પરિવહન નિષ્ણાત એવી શેનોયે કહ્યું હતું કે પાછળની બેઠકમાં સીટ-બેલ્ટને કારણે હાઇવે અને એક્સપ્રેસવે પર ફરજિયાત બનાવવો જોઈએ, કારણ કે અકસ્માતના કિસ્સામાં તે પૅસેન્જરને આગળ ધકેલતા અટકા‍વશે, પરંતુ શહેરના રસ્તા પર એને ફરજિયાત ન બનાવવો જોઈએ.

18
મુંબઈ-અમદાવાદ હાઇવે પરના ૨૧માંથી આટલા પુલ પર સ્ટ્રીટલાઇટ જ નથી

19 September, 2022 08:40 AM IST | Mumbai | Rajendra B Aklekar

અન્ય લેખો

મુંબઈ સમાચાર

આજથી શરૂ થશે ગોખલે બ્રિજના ડિમોલિશનનું કામ

વેસ્ટર્ન રેલવેને આ કામ ત્રણેક મહિનામાં પૂરું થઈ જવાનો અંદાજ

05 December, 2022 09:09 IST | Mumbai | Rajendra B Aklekar
મુંબઈ સમાચાર

Maharashtra:11 જિલ્લાના 392 ગામોને ફાયદો, PM મોદી એક્સપ્રેસવેનું કરશે ઉદ્ઘાટન

ફડણવીસે કહ્યું કે અમારા માટે આનંદ અને ગર્વની વાત છે કે વડાપ્રધાન નરેન્દ્ર મોદી નાગપુર-સમૃદ્ધિ એક્સપ્રેસ વેનું ઉદ્ઘાટન કરશે

03 December, 2022 07:13 IST | Mumbai | Gujarati Mid-day Online Correspondent
મુંબઈ સમાચાર

મુંબઈ-પુણે એક્સપ્રેસવે પર મોટો અકસ્માત; ૧૦૦ ફૂટ ઊંડી ખીણમાં પડ્યું ટ્રક

ત્રણ વાહનો એકબીજા સાથે અથડાતા આ દુર્ઘટના બની હતી

30 November, 2022 08:57 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK