° °

આજનું ઇ-પેપર
Wednesday, 20 October, 2021


કસાબે છુપાડેલાં હથિયાર અને દારૂગોળો શોધનાર ‘નૉટી’એ કરી દુનિયાને અલવિદા

12 May, 2021 08:27 AM IST | Mumbai | Priti Khuman Thakur

૧૫ વર્ષના આ લેબ્રેડૉરનું ઉંમરને લગતી બીમારીને લીધે એને દત્તક લેનાર ગુજરાતીના ઘરે થયું મૃત્યુ

નૉટીએ સુરક્ષા-વ્યવસ્થામાં સિંહફાળો આપીને આખરે દુનિયાને અલવિદા કરી હતી.

નૉટીએ સુરક્ષા-વ્યવસ્થામાં સિંહફાળો આપીને આખરે દુનિયાને અલવિદા કરી હતી.

૨૬/૧૧ના મુંબઈ આતંકવાદી હુમલા વખતે હથિયાર અને દારૂગોળો શોધવામાં મદદ કરનાર ૧૫ વર્ષના નૉટી નામના લેબ્રેડૉરનું સોમવારે મોડી સાંજે અવસાન થયું હતું. દહાણુમાં એને દત્તક લેવામાં આવેલા ગુજરાતીના ઘરે અવસાન થયા બાદ વિદાય આપતી વખતે ભાવુક દૃશ્યો સર્જાયાં હતાં. 

કાળા કલરનો લેબ્રેડૉર નૉટી થોડા સમયથી બીમાર હતો અને વૃદ્ધાવસ્થાની બીમારીઓ તથા એના પ્લેટલેટ્સ કાઉન્ટ પણ ઓછા થઈ ગયા હતા. એને ડૉક્ટર મોનિકા મુલિક દ્વારા સંચાલિત દહાણુ પશુચિકિત્સાની હૉસ્પિટલમાં દાખલ કરાયો હતો, પરંતુ સારવાર દરમ્યાન એણે સોમવારે સાંજે અંતિમ શ્વાસ લીધા હતા. ૫૪ વર્ષના નિવૃત્ત રણજી ક્રિકેટના ખેલાડી અને ૧૪ વર્ષથી મુંબઈ ક્રિકેટ અસોસિએશન (એમસીએ)ના ભૂતપૂર્વ સિલેક્ટર રાજેશ સુતારે ૨૦૧૫ના એપ્રિલ મહિનામાં નૉટીને દત્તક લીધો હતો.

નૉટી ૨૦૧૪ના સપ્ટેમ્બર મહિનામાં રેલવે પ્રોટેક્શન ફોર્સ (આરપીએફ)ની ડૉગ-સ્ક્વૉડ, માટુંગા યુનિટમાંથી નિવૃત્ત થયો હતો અને એને દત્તક લેવા માટે મૂકવામાં આવ્યો હતો. એ વખતે રાજેશ સુતાર આ બહાદુર હીરોને દત્તક લેવા સંમત થયા હતા અને ત્યારથી તે તેમનાં માતા-પિતા, પત્ની અને બાળકો સાથે પાલઘરના ઘરે રહેતો હતો. નૉટી સાથે તેમની એક રીતે આત્મીયતા બંધાઈ ગઈ હતી અને તે એક પરિવારના સભ્યની જેમ જ તેમની સાથે રહેતો હતો. ૨૬/૧૧ના હીરો નૉટીને રાજેશ સુતારના ઘરેથી વિદાય આપવામાં આવી હતી. એ વખતે ત્યાં આરપીએફનો સ્ટાફ, અન્ય સાથીદારો અને તેનો કૅરટેકર વસંત કામ્બલે વખતે ઉપસ્થિત રહ્યા હતા.

12 May, 2021 08:27 AM IST | Mumbai | Priti Khuman Thakur

અન્ય લેખો

મુંબઈ સમાચાર

શિવસેનાએ પુણેમાં ખાડાઓનું નામકરણ કર્યું, ભાજપના નેતાઓના નામ આપ્યા

આ દરમિયાન શિવ સૈનિકોએ સફેદ રંગથી રસ્તા પરના ખાડાઓને ઘેરીને ભાજપના નેતાઓના નામ લખીને અનોખી રીતે વિરોધ કર્યો હતો.

20 October, 2021 07:13 IST | Pune | Gujarati Mid-day Online Correspondent
મુંબઈ સમાચાર

 Drugs case:આર્યન ખાનના જામીન માટે બોમ્બે હાઈકોર્ટમાં અરજી દાખલ

શાહરૂખ ખાનના પુત્ર આર્યન ખાનની મુંબઈ સ્પેશિયલ કોર્ટમાં જામીન અરજી રદ્દ થયા બાદ વકીલે હવે જામીન માટે હાઈકોર્ટનો સંપર્ક કર્યો છે.

20 October, 2021 06:26 IST | mumbai | Gujarati Mid-day Online Correspondent
મુંબઈ સમાચાર

મુંબઈ પોલીસે Sex tourism નો પર્દાફાશ કર્યો, બે મહિલાઓની કરી ધરપકડ

બે મહિલાઓને સેક્સ રેકેટમાંથી મુક્ત કરવામાં આવી છે.

20 October, 2021 05:05 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK